جەنۇبىي كورېيە بىلەن فىرانسىيە ھاۋا ئارمىيەلىرى ئوتتۇرىسىدىكى بىرلىكتە ھەرىكەت قىلىش ئىقتىدارىنى ئاشۇرۇش مەقسىتىدە قوشما ھاۋا مانېۋىرى ئۆتكۈزدى.
جەنۇبىي كورېيە ھاۋا ئارمىيە قوماندانلىق ئىشتابى ئېلان قىلغان باياناتتا بىلدۈرۈلۈشىچە، مانېۋىر سەيشەنبە كۈنى پايتەخت سېئۇلنىڭ تەخمىنەن 110 كىلومېتىر جەنۇبىدىكى چيوڭجۇ ھاۋا ئارمىيە بازىسىدا باشلانغان. بۇ، ئىككى دۆلەت ئوتتۇرىسىدا ئۆتكۈزۈلگەن ئۈچ يىلدىن بۇيانقى تۇنجى قوشما ھاۋا مانېۋىرى ھېسابلىنىدۇ.
مانېۋىرغا جەنۇبىي كورېيەنىڭ «F-35A» تىپلىق رادارغا كۆرۈنمەيدىغان ئۇرۇش ئايروپىلانلىرى ۋە «KC-330 Cygnus» تىپلىق كۆپ ئىقتىدارلىق ھاۋادا يېقىلغۇ تولۇقلاش ئايروپىلانلىرى، فىرانسىيە ھاۋا ئارمىيەسىنىڭ بولسا ئىككى دانە «Rafale» تىپلىق ئۇرۇش ئايروپىلانى ۋە بىر دانە «A-330» تىپلىق ھاۋادا يېقىلغۇ تولۇقلاش ئايروپىلانى قاتناشقان.
فىرانسىيە ھەيئىتى ئىتتىپاقداش كۈچلەر بىلەن بولغان توسۇش كۈچى ئىقتىدارىنى تەكشۈرۈشنى مەقسەت قىلغان «Pegase» ۋەزىپىسى دائىرىسىدە جەنۇبىي كورېيەگە يېتىپ بارغان.
مانېۋىر جەريانىدا ئىككى دۆلەت ھاۋا ئارمىيەلىرى ئۆزئارا ھاۋادا يېقىلغۇ تولۇقلاش ۋە تاكتىكىلىق ئۇچۇش مەشىقلىرىنى ئېلىپ بارغان.
