كولومبىيە دائىرىلىرىنىڭ 17 نەپەر كىچىك بالىنى قۇتقۇزۇۋېلىشىدىن بىرنەچچە كۈن كېيىن، ئۇلترا-ئورتودوكس يەھۇدىي گۇرۇھىنىڭ توققۇز ئەزاسى دۆلەتتىن قوغلاپ چىقىرىۋېتىلدى.
كولومبىيە دۈشەنبە كۈنى سۇيىئىستېمال قىلىنغانلىقى ئېنققلانغان 17 بالىنى قۇتقۇزۇۋالغانلىقىنى ئېلان قىلىنغاندىن بىرنەچچە كۈن كېيىن، ئورتودوكس يەھۇدىي تەرىقىتى «لېۋ تاھور» نىڭ توققۇز ئەزاسىنى چېگرادىن قوغلاپ چىقاردى.
كولومبىيە كۆچمەنلەر ئىدارىسى تەرىقەت ئەزالىرىغا مېدېللىن خەلقئارا ئايرودرومىدا ھەمراھ بولۇنغانلىقىنى ۋە ئامېرىكا دائىرىلىرىگە تاپشۇرۇپ بېرىش ئۈچۈن نيۇيوركقا ماڭىدىغان ئايروپىلانغا چىقىرىلغانلىقىنى بىلدۈردى.
دائىرىلەر ئارىسىدا ئامېرىكا ۋە گىۋاتېمالا قاتارلىق دۆلەتلەردىن كەلگەن كىچىك ياشتىكى بەزى بالىلارنىڭمۇ ئامېرىكىدىكى بالىلارنى قوغداش ئورگانلىرىغا تاپشۇرۇپ بېرىش ئۈچۈن ئوخشاش ئايروپىلان بىلەن يۆتكەلگەنلىكىنى قوشۇمچە قىلدى.
تەرقەت يىللاردىن بۇيان تەكشۈرۈش ئاستىدا ئىدى.
نامى «ساپ قەلب» دېگەن مەنىنى بىلدۈرىدىغان لېۋ تاھور، مېكسىكا، كانادا، گىۋاتېمالا ۋە ئەمدىلىكتە كولومبىيەنى ئۆز ئىچىگە ئالغان بىرنەچچە دۆلەتتە يىللاردىن بۇيان مەجبۇرىي ھامىلىدار قىلىش، كىچىك بالىلارنى سۇيىئىستېمال قىلىش ۋە باسقۇنچىلىققا ئوخشاش ئەيىبلەشلەر سەۋەبىدىن تەكشۈرۈلمەكتە ئىدى.
1980-يىللاردا قۇرۇلغانلىقى پەرەز قىلىنغان گۇرۇھنىڭ شىمالىي ۋە ئوتتۇرا ئامېرىكالىق تەخمىنەن 50 ئائىلىدىن تەركىب تاپقانلىقىغا ئىشىلىنىدۇ. رەھبەرلىرىدىن بىرنەچچىسى ھەققىدە خەلقئارا ساقچى تەشكىلاتى قىزىل رەڭلىك تۇتۇش بۇيرۇقى چىقارغان ئىدى.
2024-يىلى دېكابىردا گىۋاتېمالا دائىرىلىرى تەپتىش ئەمەلدارلىرىنىڭ كەڭ تارقالغان جىنسىي ۋە جىسمانىي سۇيىئىستېمال ئەيىبلەشلىرى بويىچە لېۋ تاھورنىڭ داچىسىدىن 160 كىچىك بالىنى قۇتقازغان ئىدى.
