ھىندىستاننىڭ شىمالىي شەرقىدىكى ئاسسام ئۆلكىسىدە شىددەتلىك يامغۇرلار كەلتۈرۈپ چىقارغان سەللەردە جېنىدىن ئايرىلغانلارنىڭ سانى 100 گە چىقتى.
ئاسسام ئۆلكىلىك ئاپەتنى باشقۇرۇش ئىدارىسى (ASDMA) نىڭ باياناتىدا، ئۆلكە مىقياسىدىكى سەللەردا ئاخىرقى 24 سائەتتە يەنە 2 كىشىنىڭ ھاياتىدىن ئايرىلغانلىقى ئۇقتۇرۇلدى.
شۇنىڭ بىلەن ئۆلكىدە سەل سەۋەبىدىن ھاياتىدىن ئايرىلغانلارنىڭ سانى 100 گە ئۆرلىدى.
ئاسسام ئۆلكىلىك باش مىنىستىرى ھىمانتا بىسۋا سارما، X ئىجتىمائىي ئالاقە سۇپىسىدىن ئېلان قىلغان باياناتىدا، ئۆلكىنىڭ 25 رايونىدا 1 مىلىيون 100 مىڭدىن ئارتۇق كىشىنىڭ سەللەرنىڭ تەسىرىگە ئۇچرىغانلىقىنى بىلدۈردى.
شىددەتلىك يامغۇرلار ۋە سەللەرنىڭ ئۆلكىنىڭ ئۇل-ئەسلىھەلىرىگىمۇ چوڭ زىيان يەتكۈزگەنلىكى، ئۆلكە مىقياسىدا 16 مىڭ 951 گېكتارلىق تېرىلغۇ يەرنىڭمۇ سۇ ئاستىدا قالغانلىقى بىلدۈرۈلدى.
جەنۇبىي ئاسىيادا ئىيۇن-سېنتەبىر ئايلىرىدا ئېغىر تەسىر يارىتىدىغان پەسىللىك يامغۇر، ھىندىستان ۋە پاكىستان قاتارلىق رايون دۆلەتلىرىدە ھەر يىلى چوڭ كۆلەملىك تەبىئىي ئاپەتلەرگە سەۋەب بولۇپ كەلمەكتە.
