ئۆزبېكىستاندا 1-سېنتەبىر كۈنى تەبرىكلىنىدىغان مۇستەقىللىق بايرىمى كۈنى مۇناسىۋىتى بىلەن، پىرېزىدېنت شەۋكەت مىرزىيويېۋنىڭ ئىمزاسى بىلەن 852 مەھبۇسنى كەچۈرۈم قىلىش قارارى چىقىرىلدى.

ئۆزبېكىستان پىرېزىدېنت مەھكىمىسى ئاخبارات ئىشلىرى ئىشخانىسىنىڭ بىلدۈرۈشىچە، پىرېزىدېنت شەۋكەت مىرزىيويېۋ دۆلەت مۇستەقىللىقىنىڭ 35 - يىللىقى مۇناسىۋىتى بىلەن، «قىلمىشىغا پۇشايمان قىلغان ۋە چوقۇم تۈزىلىش يولىغا كىرگەن مەھبۇسلارنى» كەچۈرۈم قىلىشقا دائىر پەرماننى ئىمزالىغان.

جەمئىي 852 مەھبۇس نەپكە ئېرىشىدىغان بۇ كەچۈرۈم قارارىغا ئاساسلانغاندا، 719 مەھبۇس قويۇپ بېرىلىدۇ، 133 مەھبۇسنىڭ بولسا جازا مۇددىتى قىسقارتىلىدۇ. كەچۈرۈم قىلىنغانلار ئارىسىدا قانۇنسىز تەشكىلاتلارغا ئەزا بولغان 63 كىشى، 60 ياشتىن ئاشقان 37 كىشى، 49 ئايال، 375 ياش ۋە 7 نەپەر چەت ئەل پۇقراسىمۇ بار.

كەچۈرۈم دائىرىسىدە قويۇپ بېرىلىدىغان مەھبۇسلارنىڭ جەمئىيەتكە ماسلىشىشىغا كاپالەتلىك قىلىش مەقسىتىدە، مۇناسىۋەتلىك مىنىستىرلىق ۋە دۆلەت ئورگانلىرىغا مەخسۇس يوليورۇق چۈشۈرۈلدى. ئۆتكەن يىلىمۇ مۇستەقىللىق بايرىمى كۈنى مۇناسىۋىتى بىلەن 523 مەھبۇس كەچۈرۈم قىلىنغان ئىدى.