پورتۇگالىيەدىكى پورتو ئۇنىۋېرسىتېتىدىن بىيوتېببىي مۇتەخەسسىسى كۆرولىنا كوستو ۋە ئۇنىڭ ئەترىتى، 200 ساغلام كىشى قاتناشقان تەتقىقاتتا قاتناشقۇچىلارنىڭ قان، تۈكۈرۈك ۋە چوڭ تاھارەت ئۈلگىلىرىنى ئانالىز قىلدى.
مىكروبىئوتانىڭ پىسىخوپاتولوگىيە ئۈستىدىكى تەسىرلىرىنى تەتقىق قىلغان مۇتەخەسسىلەر، ئاشقازان-ئۈچەي ۋە ئېغىزدا بولىدىغان بەزى مىكروبلارنىڭ مىقدارى بىلەن پىسىخوپاتىك خاراكتېر ئالاھىدىلىكلىرى ئوتتۇرىسىدا مۇناسىۋەت بارلىقىنى ئېنىقلىدى.
مەزكۇر ئالاھىدىلىكلەر ئارىسىدا ھېسداشلىق يېتىشمەسلىك، جەمئىيەتكە ياتلىشىش ئېغىشلىرى، ئالدىراقسانلىق ۋە ئۆزمەپتۇنلۇق ئورۇن ئالىدىكەن.
مۇتەخەسسىسلەر تەتقىقاتنىڭ مىكروبىئوتانىڭ پىسىخوپاتىك ئالاھىدىلىكلەرگە يول ئېچىشى مۇمكىنلىكىگە دائىر تۇنجى ئىسپاتلارنى سۇنغانلىقىنى بىلدۈردى.
پىسىخوپاتىيەنىڭ بىئولوگىيەلىك ئاساسلىرى تولۇق چۈشىنىلمىگەن بولسىمۇ، مېڭە قۇرۇلمىسىدىكى ئۆزگىرىشلەرنىڭ ئۆزىلا يېتەرلىك بىر چۈشەندۈرۈش سۇنمايدىغانلىقى مەلۇم.
تەتقىقات «Translational Psychiatry» ژۇرنىلىدا ئېلان قىلىندى.
