جەنۇبىي كورېيەنىڭ «يونخاپ» خەۋەر ئاگېنتلىقىنىڭ يەتكۈزۈشىچە، شىمالىي كورىيە رەھبىرى كىم جۇڭئۇننىڭ نۇپۇزلۇق سىڭلىسى كىم يوژوڭ، خىتاي دۆلەت رەئىسى شى جىنپىڭنىڭ زىيارىتىدىن ئىلگىرى ئۆز شىمالىي كورىيەنىڭ يادرو قورال پىلانىنىڭ «قەتئىي تۈردە مۇزاكىرىگە يېپىق» ئىكەنلىكىنى تەكىتلىدى.

شىمالىي كورېيە رەسمىي خەۋەر ئاگېنتلىقى KCNA دا يەكشەنبە كۈنى ئېلان قىلىنغان باياناتقا ئاساسلانغاندا، كىم يوژوڭ: «يادرو كۈچ سالاھىيىتىمىز قەتئىي تۈردە مۇزاكىرە قىلىنمايدۇ» ئىبارىسىنى ئىشلىتىپ، پيوڭياڭ ھۆكۈمىتىنىڭ «ھېچقانداق تەھدىتكە باش ئەگمەيدىغانلىقىنى» تەكىتلىدى.

بېيجىڭ ۋە پيوڭياڭ ھۆكۈمەتلىرى، جۈمە كۈنى ئېلان قىلغان ئورتاق باياناتىدا شى جىنپىڭنىڭ 8 – ۋە 9-ئىيۇندا شىمالىي كورىيەدە رەسمىي بىر زىيارەتتتە بولىدىغانلىقىنى جاكارلىغان ئىدى.

ئاقسارايدىن ئېلان قىلىنغان باياناتتا بولسا، خىتاي رەئىسىنىڭ زىيارىتىدىن كېيىن شى جىنپىڭ بىلەن ئامېرىكا پېرىزىدېنتى دونالد ترامپنىڭ، شىمالىي كورېيەنى يادرودىن خالىيلاشتۇرۇش يۆنىلىشىدىكى ئورتاق نىشاننى قايتىدىن جەزملەشتۈرگەنلىكى بىلدۈرۈلگەن ئىدى.

بېيجىڭ ھۆكۈمىتى سۆھبەتنىڭ تەپسىلاتلىرىغا ئائىت مەلۇمات ھەمبەھىرلىمىگەن بولسىمۇ، خىتاينىڭ يادرو مەسىلىگە دائىر «سىياسىي چارە» ئۈچۈن «ئۆزىگە خاس ئۇسۇللار بىلەن» خىزمەتلىرىنى داۋاملاشتۇرۇۋاتقانلىقىنى بىلدۈرگەن ئىدى.