خەلقئارا
2 مىنۇت ئوقۇش
دۇنيا سەھىيە تەشكىلاتى: سۇداندىكى بالىلار يۇقۇملۇق كېسەللىكلەرگە قارشى مۇداپىئەسىز ھالەتتە تۇرماقتا
سۇداندىكى توقۇنۇش ۋە قۇرغاقچىلىق سەۋەبىدىن ئوزۇقلۇق يېتىشمەيۋاتقان بالىلارنىڭ، خولېرا ۋە قىزىل كېسەل قاتارلىق جانغا زامىن بولىدىغان كېسەللىكلەرگە قارشى مۇداپىئەسىز ھالەتتە تۇرماقتا.
دۇنيا سەھىيە تەشكىلاتى: سۇداندىكى بالىلار يۇقۇملۇق كېسەللىكلەرگە قارشى مۇداپىئەسىز ھالەتتە تۇرماقتا
دۇنيا سەھىيە تەشكىلاتى: سۇداندىكى بالىلار يۇقۇملۇق كېسەللىكلەرگە قارشى مۇداپىئەسىز ھالەتتە تۇرماقتا

دۇنيا سەھىيە تەشكىلاتى باش مۇدىرى تېدروس ئادانوم گېبرېيۇس سۇداندىكى ئوزۇقلۇق يېتىشمەسلىك مەسىلىسىنىڭ ئېغىرلىقىنى تەكىتلەپ، بالىلارنىڭ خولېرا ۋە قىزىل كېسەل جانغا زامىن بولىدىغان كېسەللىكلەرگە قارشى تۇرۇش ئىقتىدارىنىڭ ئىنتايىن ئاجىز ئىكەنلىكىنى بىلدۈردى.

تېدروس ئادانوم گېبرېيۇس سۇداندىكى ۋەزىيەتكە مۇناسىۋەتلىك ئاممىۋى ئورتاقلىشىش تور بېتى X سەھىپىسىدە ئېلان قىلغان باياناتىدا، «ئوزۇقلۇق بىخەتەرلىكىنى بىر گەۋدىلەشتۈرۈلگەن باسقۇچلۇق تۈرگە ئايرىش ئورگىنى» (IPC) نىڭ سۇداندىكى ئوزۇقلۇق يېتىشمەسلىك ۋە ئاچلىق ھەققىدىكى ئاگاھلاندۇرۇشىنىڭ ناھايىتى زور ئەندىشە پەيدا قىلىۋاتقانلىقىنى ئەسكەرتتى. ئۇ IPC نىڭ ئۆي-ماكانلىرىدىن ئايرىلىپ قالغانلار ئۈچۈن قۇرۇلغان ئىككى لاگېردىكى ئاچلىق تىراگېدىيەسىنى ئۆز ئىچىگە ئالغان ئاگاھلاندۇرۇشلىرىنى يەنە بىر قېتىم ئەسلىتىپ ئۆتتى.

گېبرېيۇس سۇداندىكى قوراللىق توقۇنۇشلار ۋە «ئېل نىنو» ھاۋا كىلىماتى كەلتۈرۈپ چىقارغان قۇرغاقچىلىقنىڭ كىرىزىسنى تېخىمۇ ئېغىرلاشتۇرۇۋېتىش خەۋپى بارلىقىنى قەيت قىلدى. ئۇ دۇنيا سەھىيە تەشكىلاتىنىڭ سۇداندا پائالىيەت ئېلىپ بېرىۋاتقان 161 ئوزۇقلۇق مەركىزىنىڭ ھەممىسىنى قوللاۋاتقانلىقىنى بايان قىلىپ مۇنداق دېدى:

«2026-يىلى يانۋار ۋە ئاۋغۇست ئايلىرى ئارىلىقىدا، دۇنيا سەھىيە تەشكىلاتى قوللىغان خىزمەتلەر جەريانىدا ئېغىر دەرىجىدە ئوزۇقلۇق يېتىشمەسلىك ۋە داۋالاش جەھەتتىكى قىيىنچىلىقلارغا دۇچ كەلگەن 26 مىڭدىن ئارتۇق بالا داۋالاندى. بىراق، ئېھتىياج مەۋجۇت مەبلەغدىن ئېشىپ كەتتى، ئىنسانپەرۋەرلىك ياردەملىرىنىڭ چەكلىمىگە ئۇچرىشى تېخىمۇ كۆپ كىشىنىڭ جېنىنى خەتەرگە ئىتتىرمەكتە. ئاچلىق پەقەت بىر يېمەكلىك كىرىزىسىلا ئەمەس، بەلكى بىر جىددىي سەھىيە ئەھۋالىدۇر.»

تېدروس ئادانوم گېبرېيۇس سۇداندىكى توقۇنۇشلارنى دەرھال توختىتىش، بىخەتەر ۋە سىجىل ئىنسانپەرۋەرلىك ياردەم يوللىرىنى ئېچىش ھەمدە ياردەم مەبلىغىنى كۆپەيتىش ئۈچۈن جىددىي چاقىرىق ئېلان قىلدى. ئۇ تىنچلىقنىڭ «ئەڭ ياخشى دورا» ئىكەنلىكىنى تەكىتلىدى.

سۇداندا 2023-يىلى 15-ئاپرېلدىن بۇيان دۆلەت ئارمىيەسى بىلەن تېز ياردەم بېرىش كۈچلىرى  ئوتتۇرىسىدا توقۇنۇشلار داۋاملاشماقتا. بۇ توقۇنۇشلار سەۋەبىدىن دۆلەتنىڭ بەزى رايونلىرىدا ئاچلىق ئاپىتى يۈز بېرىپ، ئون مىڭلارچە كىشى جېنىدىن ئايرىلدى، كەم دېگەندە 13 مىليون كىشى ئۆي-ماكانلىرىدىن ئايرىلىپ قالدى. سۇداندىكى بۇ ۋەزىيەت دۇنيادىكى ئەڭ چوڭ ئىنسانىي تىراگېدىيەلەرنىڭ بىرىنى پەيدا قىلدى.

ئىزدىنىڭ
فەنەرباھچە كوماندىسى «ئەنگلىيە گىگانتى» لىۋېرپولنى يەڭدى
پاكىستان «ھاۋادىن ھاۋاغا» ئېتىلىدىغان باشقۇرۇلىدىغان بومبىسىنى سىناق قىلدى
خىتاي «ئامېرىكا بىلەن ھەمكارلىشىشقا تەييار» ئىكەنلىكى ئۇچۇرىنى بەردى
بىر ۋارىل برېنت نېفىتى 103.96 دوللاردىن سېتىلماقتا
سۈنئىي ئەقىلنىڭ ئاتىسى گېئوففرېي ھىنتون: ئەسلا تەرەققىي قىلدۇرۇلمىغان بولسا تېخىمۇ ياخشى بولاتتى
ئىران پارلامېنت باشلىقى: ئامېرىكا خەلقى ئۇرۇشقا ياق دېدى، بىز بۇ ئۇچۇرنى قوللايمىز
2026-يىللىق ئامېرىكا ئوتتۇرا مەزگىللىك سايلىمى: دېموكراتلار كېڭەش پالاتاسىدا كۆپ سانلىقنى ئىگىلىدى
ياۋروپالىق ئوت ئۆچۈرگۈچىلەر بىريۇسسېلدا خامچوت قىسقارتىشقا قارشى نامايىش ئۆتكۈزدى
كىرېمىل: پۇتىن، ترامپ ۋە شى ئوتتۇرىسىدا كۆرۈشۈش تەييارلىقى داۋاملاشماقتا
تېھراندىكى ئىنقىلاب مەيدانىغا ترامپنى قەستلەش نىشان قىلىنغان پىلاكات ئېسىلدى
رۇسىيە تۈرك دۆلەتلىرى تەشكىلاتى خىزمىتىگە قاتنىشىشقا يېشىل چىراغ ياقتى
شىمالىي كورېيە «باينەنس»تىكى ئوغرىلىققا چېتىشلىقى بار دېگەن ئەيىبلەشلەرنى رەت قىلدى
ئىران ئارمىيەسى: ئامېرىكا يەنە ھۇجۇم قىلسا، ئۇرۇش پەقەت غەربىي ئاسىيا بىلەنلا چەكلىنىپ قالمايدۇ
ئامېرىكا تاراتقۇلىرى: ئامېرىكا قىسىملىرى ئىراننىڭ قەشم ئارىلىغا «چەكلىك» زەربە بەردى
ئامېرىكا ئەبۇزەبىدە ئۆتكۈزۈلىدىغان رۇسىيە-ئۇكرائىنا تىنچلىق سۆھبىتىگە مۇرەسسەچىلىك قىلىدۇ