رۇسىيەنىڭ بىرلەشكەن دۆلەتلەر تەشكىلاتىدا تۇرۇشلۇق دائىمىي ۋەكىلى ۋاسىلىي نېبېنزيا موسكۋانىڭ ئىران ھۆكۈمىتىنى سۆھبەت ئۆتكۈزۈشكە ئىلھاملاندۇرغانلىقىنى، ئەمما بۇ جەھەتتە بېسىم ئىشلەتمىگەنلىكىنى بىلدۈردى. نېبېنزيا ئامېرىكا قوشما ئىشتاتلىرىنى تېھرانغا قارىتا «سەۋەبسىز تاجاۋۇزچىلىق» قىلىش بىلەن ئەيىبلىدى.
نىيۇ يوركتىكى بىرلەشكەن دۆلەتلەر تەشكىلاتى باش شىتابىدا ئۆتكۈزۈلگەن مۇخبىرلارنى كۈتۈۋېلىش يىغىنىدا سۆز قىلغان نېبېنزيا، رۇسىيەنىڭ ئىرانغا ئامېرىكا بىلەن بولغان ئۇرۇشنى ئاخىرلاشتۇرۇش ئۈچۈن سۆھبەت ئۆتكۈزۈش ھەققىدە بېسىم ئىشلەتمىگەنلىكىنى، تېھراننىڭ ئىگىلىك ھوقۇقلۇق بىر دۆلەت سۈپىتىدە ئۆز تەقدىرىنى ئۆزى بەلگىلىيەلەيدىغانلىقىنى تەكىتلىدى.
نېبېنزيا ئامېرىكا پىرېزىدېنتى ترامپنىڭ ئىران ئىقتىسادىنى يېتىم قالدۇرۇش ۋە تېھران بىلەن مۇناسىۋىتى بار دۆلەتلەرگە ئېمبارگو يۈرگۈزۈش ھەققىدىكى يېڭى پىلانىغا قارىتا، موسكۋانىڭ بۇنداق بېسىملارغا پىسەنت قىلمايدىغانلىقىنى بىلدۈرۈپ مۇنداق دېدى: «رۇسىيە ئىقتىسادىنى يېتىم قالدۇرۇشقا قارىتىلغان شۇنچە كۆپ ئېمبارگو ۋە تەھدىتلەرنى كۆردۇقكى، ئەمدى بۇلارغا ئارتۇق ئەھمىيەت بەرمەيمىز. رۇسىيە ئىقتىسادىدىن ئەنسىرىمەڭ، بىز بۇنىڭ ھۆددىسىدىن چىقالايمىز».
رۇسىيە ۋەكىلى يەنە ترامپنىڭ ھورمۇز بوغۇزىنى ئامېرىكا زېمىنى دەپ ئېلان قىلىش تەكلىپىگە قارىتا، بۇنىڭ خەلقئارا قانۇنغا ئاساسەن قانداق ئىشقا ئاشىدىغانلىقىنى بىلمەيدىغانلىقىنى ئەسكەرتتى.
