«نىيۇ يورك ۋاقتى گېزىتى» سۈنئىي ھەمراھ سۈرەتلىرىنى نەقىل كەلتۈرۈپ خەۋەر قىلىشىچە، ئىراننىڭ نېفىت ئېكسپورت قىلىدىغان مۇھىم بازىسى بولغان خارگ ئارىلى قىرغىقىدا نېفىت ئېقىشى كېڭەيمەكتە ئىكەن.
جۈمە (2026-يىلى 8-ماي) كۈنى خەۋەر قىلىنغان بۇ نېفىت ئېقىپ كېتىش ۋەقەسىنىڭ نېمە سەۋەبتىن كېلىپ چىققانلىقى تېخى ئېنىق ئەمەس. نېفىت ئېقىپ كېتىش ئارالنىڭ غەربىي قىرغىقىدا كۆرۈلگەن.
«Orbital EOS» نىڭ مۆلچەرىگە ئاساسلانغاندا، پەيشەنبە كۈنىگىچە نېفىت قاپلىغان دائىرە 52 كىۋادرات كىلومېتىردىن ئاشقان بولۇپ، بۇ نېفىت ئېقىمى جەنۇبقا، يەنى سەئۇدى ئەرەبىستانى دېڭىز تەۋەلىكىگە قاراپ كېڭەيمەكتە ئىكەن.
خارگ ئارىلى ئىران نېفىت ئېكسپورتىنىڭ مەركىزى، شۇنداقلا دۆلەت ئىقتىسادىنىڭ تۈۋرۈكى ھېسابلىنىدۇ. ئارال پارس قولتۇقىغا، ئىستراتېگىيەلىك ئەھمىيەتكە ئىگە تار ھورمۇز بوغۇزىنىڭ شىمالىغا جايلاشقان. خارگ ئارىلىدا ئىراننىڭ ئەڭ چوڭ نېفىت ئايرىش زاۋۇتى، نېفىت تۇرۇبا يوللىرى، ساقلاش باكلىرى ۋە مۇناسىۋەتلىك ئۇل- ئەسلىھەلەر بار.
مۇناسىۋەتلىك ئۇچۇرلارTRT World - Iran wasn't developing nukes before US-Israel war, says former US counterterrorism official
