1897-يىلى  گىرىت مەسىلىسى سەۋەبىدىن كۈچىيىۋاتقان كەسكىن ۋەزىيەت، ئوسمانلى ئىمپېرىيەسى ۋە گىرېتسىيەنى ئۇرۇش گىردابىغا ئېلىپ باردى. ياۋروپا دۆلەتلىرىنىڭ قوللىشىغا ئېرىشكەن گىرېتسىيە، ئوسمانلى زېمىنىغا كېڭىيىش سىياسىتىنى يولغا قويدى. بولۇپمۇ گىرىت ۋە تېسېليا رايونىدىكى ھەرىكەتلەر ئىككى دۆلەت ئوتتۇرىسىدىكى زىددىيەتنى كۈچەيتىۋەتتى.

1897-يىلى ئاپرېدا، گىرېتسىيە ئەسكەرلىرى ئوسمانلى چېگراسىدىن ئۆتۈپ ھۇجۇم قوزغىدى. شۇنىڭدىن كېيىن، ئوسمانلى ئىمپېرىيەسى ئۇرۇش ئېلان قىلدى ۋە ئەدخەم پاشانىڭ قوماندانلىقىدىكى قوشۇننى سەپەرۋەر قىلدى. ئوسمانلى ئارمىيەسى چاتالجا، يەنىشەھىر، دۆمەكە ۋە يانيا قاتارلىق تەرەپلەردە گىرېتسىيە ئەسكەرلىرىنى تىرىپىرەن قىلدى. گىرېتسىيە ئارمىيەسىنىڭ ئويلىمىغان يەردىن چېكىنىشى، ياۋروپا دۆلەتلىرىنى ھەرىكەتكە كەلتۈردى.

ياۋروپا دۆلەتلىرىنىڭ مۇرەسسە قىلىشى بىلەن باشلانغان سۆھبەت نەتىجىسىدە، 1897-يىلى 4-دېكابىر تىنچلىق شەرتنامىسى ئىمزالاندى. شەرتنامىگە ئاساسەن، گىرېتسىيە ئوسمانلى ئىمپېرىيەسىگە تۆلەم تۆلەشكە قوشۇلدى. ئۇرۇش جەريانىدا ئوسمانلى ئارمىيەسى تەرىپىدىن ئىگەللەنگەن تېسېليا رايونى، بىر قىسىم كىچىك چېگرا ئۆزگىرىشى بىلەن گىرېتسىيەگە قايتۇرۇپ بېرىلدى.

1897-يىلدىكى ئوسمانلى-گىرېتسىيە ئۇرۇشى ئوسمانلى ئىمپېرىيەسىنىڭ ئاخىرقى ھەربىي غەلىبىلىرىىنىڭ بىرى سۈپىتىدە تارىخقا يېزىلدى. بىراق، بۇ ئۇرۇش ئوسمانلى ئىمپېرىيەسى دۇچ كەلگەن قىيىنچىلىقلارنى ۋە ياۋروپا دۆلەتلىرىنىڭ قول تىقىشلىرىنىمۇ ئاشكارىلىدى. ئەگە دېڭىزى ۋە ئارال مەسىلىسى قاتارلىق مەسىلىلەر، كۈنىمىزدە تۈركىيە-گىرېتسىيە مۇناسىۋەتلىرىدىكى مۇھىم ئورنىنى ساقلاپ كەلمەكتە.