پىرېزىدېنت ئېممانۇئېل ماكرون قوللىغان 15 ياشتىن كىچىك بالىلارنىڭ ئاممىۋى تاراتقۇلارغا كىرىشىنى چەكلەشكە ئائىت قانۇن لايىھەسى، فىرانسىيە كېڭەش پالاتاسىدا ماقۇللانغاندىن كېيىن ئاۋام پالاتاسىدىمۇ ئاۋازغا قويۇلدى.
قانۇن لايىھەسى ئاۋازغا قويۇلغان يىغىندا سۆز قىلغان پارلامېنت ئەزالىرى، بۇ بەلگىلىمىنىڭ فىرانسىيەلىك بالىلارنى قوغداش ئۈچۈن بىر زۆرۈرىيەت ئىكەنلىكىنى تەكىتلىدى.
ئايلارچە مۇزاكىرە قىلىنغان قانۇن لايىھەسى 81 گە قارشى 279 ئاۋاز بىلەن ماقۇللاندى. شۇنىڭ بىلەن فىرانسىيە «ئاممىۋى تاراتقۇلاردىن پايدىلىنىشقا ياش چەكلىمىسى بەلگىلىمىسى چىقارغان تۇنجى ياۋروپا ئىتتىپاقى دۆلىتى» بولۇپ قالدى.
1-سېنتەبىردىن باشلاپ 15 ياشتىن كىچىك بالىلارنىڭ ئاممىۋى تاراتقۇلاردا ھېسابات ئېچىشىغا رۇخسەت قىلىنمايدۇ
قانۇن لايىھەسىگە ئاساسەن، ئاممىۋى تاراتقۇ سۇپىلىرىغا ياشنى دەلىللەش سىستېمىسى قۇرۇش مەجبۇرىيىتى يۈكلەندى ۋە 1-سېنتەبىردىن باشلاپ، 15 ياشتىن كىچىك بالىلارنىڭ ئاممىۋى تاراتقۇلاردا ھېسابات ئېچىشىغا رۇخسەت قىلىنمايدىغان بولدى.
ئاممىۋى تاراتقۇ سۇپىلىرىدىن ھازىر بار بولغان 15 ياشتىن كىچىك بالىلارغا تەۋە ھېساباتلارنى 4 ئاي ئىچىدە تاقاش تەلەپ قىلىنىدۇ.
شۇنىڭ بىلەن بىر ۋاقىتتا، فىرانسىيە 20 ياش ئەتراپىدىكى بالىلارنىڭ ئاممىۋى تاراتقۇلارغا كىرىشىگە قارىتا بەلگىلىمىلەرنى چىقاردى ياكى چىقىرىدىغانلىقىنى ئېلان قىلدى.
ئاۋسترالىيە، خىتاي، بىرازىلىيە، ھىندونېزىيە ۋە مالايشىيا ئاممىۋى تاراتقۇلاردىن پايدىلىنىشقا ياش چەكلىمىسى بەلگىلىمىسى چىقارغان دۆلەتلەر قاتارىدىن ئورۇن ئالغان بولۇپ، ياۋروپا ئىتتىپاقىمۇ بۇ يۆنىلىشتە قەدەملەرنى تاشلايدىغانلىقى توغرىسىدا ۋەدە بەردى.
