ئاراقچى چارشەنبە كۈنى ئەتىگەن X سۇپىسىدا ئېلان قىلغان باياناتىدا، دۆلەتنىڭ جەنۇبىي رايونلىرىغا قارىتىلغان ئامېرىكا ھۇجۇملىرىدىن كېيىن، دۆلىتىگە قارىتىلغان ھېچقانداق ھۇجۇم ياكى تەھدىتنىڭ «جاۋابسىز قالمايدىغانلىقى» ھەققىدە ئاگاھلاندۇردى. ئۇ ئۆز يازمىسىدا: «ئۇرۇش مەيدانىدىكى مەغلۇبىيەتلىرىگە قارىماي، ئامېرىكا قوشما ئىشتاتلىرى ئىرادىمىزنى سىناشنى تاللىدى. قۇدرەتلىك قوراللىق قىسىملىرىمىز ھەر قانداق ھۇجۇم ياكى تەھدىتنى جاۋابسىز قالدۇرمايدۇ. پارس قولتۇقى تارىخىدا، بۇ رايونغا رۇخسەتسىز كىرگەن چەت ئەللىكلەرنىڭ ئېچىنىشلىق قىسمىتىگە ئائىت نۇرغۇن باپلار بار»  دېگەن ئىبارىلەرگە ئورۇن بەردى.

ئىران مىقياسىدا پارتلاشلار

بۇنىڭدىن ئىلگىرى ئىران تاراتقۇلىرى ھورمۇزگان ۋىلايىتىنىڭ جەنۇبىدىكى قەشم ئارىلى، سىرىك، مىناب ۋە جاسىكتا پارتلاشلارنىڭ يۈز بەرگەنلىكىنى ۋە ئوق ياكى باشقۇرۇلىدىغان بومبىلارنىڭ بۇ جايلارغا تەگكەنلىكىنى خەۋەر قىلغان؛ شۇنداقلا بەندەر ئابباس، قەشم ۋە سىرىكتا ھاۋا مۇداپىئە سىستېمىلىرىنىڭ ئىشقا كىرىشتۈرۈلگەنلىكىنى بىلدۈرگەنىدى.

ئامېرىكا مەركىزىي قوماندانلىق ئىشتابى (CENTCOM) بولسا ئامېرىكا ئارمىيەسىنىڭ بىر دانە «ئاپاچى» (Apache) تىپلىق تىك ئۇچار ئايروپىلانىنىڭ ئېتىپ چۈشۈرۈلۈشىنىڭ ئىنتىقامىنى ئېلىش ئۈچۈن ئامېرىكا قىسىملىرىنىڭ ئىرانغا قارشى ھاۋا ھۇجۇمى باشلىغانلىقىنى جاكارلىغانىدى.