رۇسىيە دۆلەت مۇداپىئە مىنىستىرلىقى بايانات ئېلان قىلىپ، رۇسىيە ئارمىيەسىنىڭ كېچە بويى ئۇكرائىنانىڭ پورتلىرىغا ۋە ئۇكرائىنا قوراللىق قىسىملىرىنىڭ ئېھتىياجىنى قاندۇرۇش ئۈچۈن قاتناۋاتقان پاراخوتلارغا ئۇچقۇلار بىلەن ھۇجۇم قىلغانلىقىنى بىلدۈردى.

باياناتتا يەنە چېرنومورسك پورتىدىكى ئۇچقۇ ياسايدىغان زاۋۇتنىڭ زەربىگە ئۇچرىغانلىقى ئەسكەرتىلىپ، ئۇكرائىنا ئارمىيەسىنىڭ ئېھتىياجىنى قاندۇرۇش ئۈچۈن ئودېسسا پورتىغا قاتناۋاتقان قۇرۇق يۈك پاراخوتىنىڭمۇ سەپەر ئۈستىدە ئوققا تۇتۇلغانلىقى بىلدۈرۈلدى.

مىنىستىرلىقنىڭ يەنە بىر باياناتىدا بولسا، رۇسىيە ھاۋا مۇداپىئە سىستېمىلىرىنىڭ كېچە بويى موسكۋا ۋە ئۇنىڭ ئەتراپىنى ئۆز ئىچىگە ئالغان ئوخشاش بولمىغان رايونلاردا ئۇكرائىنانىڭ 616 دانە ئۇچقۇسىنى  ئېتىپ چۈشۈرگەنلىكى بىلدۈرۈلدى.