تۈركىيە جۇمھۇرىيىتى تاشقى ئىشلار مىنىستىرى خاقان فىداننى لەفكوشادا شىمالىي قىبرىس تۈرك جۇمھۇرىيىتى تاشقى ئىشلار مىنىستىرى تاھسىن ئەرتۇغرۇل ۋە مۇناسىۋەتلىك ئەمەلدارلار قارشى ئالدى.
ئارقىدىن فىدان بىلەن ئەرتۇغرۇل يىغىن ئېچىپ، ئىككى تەرەپ مۇناسىۋىتى توغرىسىدا سۆزلەشتى؛ يىغىندا يەنە، ئالدىمىزدىكى ئايلاردا بىرلەشكەن دۆلەتلەر تەشكىلاتى (ب د ت) باش كاتىپى ئانتونىيو گۇتېرېسنىڭ ساھىبخانلىقىدا ئۆتكۈزۈلۈشى پىلانلىنىۋاتقان يىغىن توغرىسىدا پىكىر ئالماشتۇرۇلدى.
مىنىستىر خاقان فىدان شىمالىي قىبرىس تۈرك جۇمھۇرىيىتىدىكى ئىككى كۈنلۈك خىزمەت زىيارىتى جەريانىدا، باش مىنىستىرى ئۈنال ئۈستئەل ۋە جۇمھۇر رەئىس ئەرسىن تاتار بىلەنمۇ كۆرۈشىدۇ.
شىۋېتسارىيەدە ب د ت باش كاتىپىنىڭ ساھىبخانلىقىدا ئۆتكۈزۈلىدىغان يىغىنغا ئارالدىكى ئىككى رەھبەر، تۈركىيە، گىرېتسىيە ھەمدە تۆۋەن دەرىجىلىك ۋەكىل ئىشتىراك قىلىدىغان ئۈچىنچى كېپىل دۆلەت ئەنگلىيە قاتنىشىدۇ.
