ئىيوردانىيە تاشقى ئىشلار ۋەزىرى ئەيمەن ئەسسافەدى ئاۋىستىرىيە زىيارىتى جەريانىدا ئېلان قىلغان باياناتىدا، ئىران بىلەن يۈز بەرگەن كىرىزىسنى تىنچ يول بىلەن ھەل قىلىش تىرىشچانلىقىنى قوللايدىغانلىقىنى بىلدۈردى. ئەسسافەدى ھورمۇز بوغۇزىدىكى دېڭىز قاتنىشى ئەركىنلىكى ۋە قوشنىدارچىلىق پىرىنسىپلىرىغا ھۆرمەت قىلىنىشى لازىملىقىنى ئەسكەرتتى.
ئىراننىڭ ئۆز دۆلىتىگە قىلغان ھۇجۇملىرىنى ئەيىبلىگەن ئەسسافەدى، بۇ ھۇجۇملارنىڭ بىر «قايتۇرما زەربە» ئەمەسلىكىنى، بەلكى «قەستەن قىلىنغان ھەرىكەت» ئىكەنلىكىنى تىلغا ئالدى. ۋەزىرنىڭ تەكىتلىشىچە، ئامېرىكا ئىرانغا ھۇجۇم قىلىپ ئارىدىن ئاران ئىككى سائەت ئۆتمەيلا، ئىراننىڭ ئىيوردانىيە ۋە باشقا دۆلەتلەرنى نىشانلىشىنى بىر «ئىنكاس» دەپ قوبۇل قىلغىلى بولمايدىكەن. ئۇ رايوندىكى جىددىيچىلىكنىڭ تۈپ سەۋەبلىرىنى ھەل قىلىشنىڭ زۆرۈرلۈكىنى سۆزلىرىگە ئىلاۋە قىلدى.
