تۈركىيە
2 مىنۇت ئوقۇش
ت ر ت ۋورلد مۇنبىرى يۇقىرى دەرىجىلىك شەخسلەرنى بىر يەرگە جەم قىلىدۇ
مۇتەخەسسىسلەر ۋە ئەمەلدارلار ت ر ت ۋورلد (TRT World) مۇنبىرىدە بىر يەرگە جەم بولۇپ، باشقۇرۇش، كىلىمات، تېخنىكا ۋە خەلقئارالىق تەرەققىياتلارنى مۇزاكىرە قىلىدۇ.
ت ر ت ۋورلد مۇنبىرى يۇقىرى دەرىجىلىك شەخسلەرنى بىر يەرگە جەم قىلىدۇ
ت ر ت ۋورلد مۇنبىرى / TRT World

دۇنيادىكى ئەڭ چوڭ تاراتقۇ مۇنبەرلىرىنىڭ بىرى بولغان ت ر ت ۋورلد مۇنبىرى 9-قېتىم 31-ئۆكتەبىردىن 1-نويابىر (2025) غىچە ئىستانبۇلدا ئۆتكۈزۈلىدۇ. پائالىيەت ئوخشىمىغان ساھەلەردىن كەلگەن نۇرغۇن نۇتۇق سۆزلىگۈچى ۋە مۇتەخەسسىسلەرنىڭ قاتنىشىشى بىلەن ئۆتكۈزۈلىدۇ.

تۈركىيە رادىيو-تېلېۋىزىيە ئىدارىس -ت ر ت(TRT)  تەرىپىدىن ئۇيۇشتۇرۇلغان بۇ مۇنبەر دۇنيانىڭ ھەرقايسى جايلىرىدىن مۇتەخەسسىسلەرنى ۋە يۇقىرى دەرىجىلىك ئەمەلدارلارنى بىر يەرگە جەم قىلىدۇ.

بۇ يىللىق (2025) مۇنبەرنىڭ باش تېمىسى «يەرشارى خاراكتېرلىك قايتا قۇرۇش: كونا تەرتىپتىن يېڭى رېئاللىققا» بولۇپ، مۇنبەر كۈنسېرى ئېشىۋاتقان يەرشارى خاراكتېرلىك تۇراقسىزلىق ۋە خەلقئارا جەمئىيەت دۇچ كېلىۋاتقان جىددىي مەسىلىلەرگە مەركەزلىشىدۇ.

ئۆتكەن يىللاردا نەچچە مىڭ قاتناشقۇچىنى كۈتۈۋالغان ت ر ت ۋورلد مۇنبىرى يۇقىرى دەرىجىلىك سىياسەتچىلەرنىڭ ۋە دىپلوماتلارنىڭ كۈچلۈك قىزىقىشىنى قوزغىغانىدى.

تەۋسىيە

بۇ يىللىق يىغىنلاردا تۈركىيەنىڭ دۆلەت مۇداپىئە سىياسىتى، سۈرىيەنى قايتا قۇرۇش، كۆپ قۇتۇپلۇق دۇنيادىكى دىپلوماتىيە ۋە باشقۇرۇش قاتارلىق مۇھىم خەلقئارالىق مەسىلىلەر مۇزاكىرە قىلىنىدۇ. شۇنداقلا يىغىنلاردا يەنە، يەر شارى گېئو-سىياسىتى، خەۋپسىزلىك، كىلىمات ۋە ئېنېرگىيە، تېخنولوگىيە، ئاخبارات، خەلقئارا قانۇن ۋە يەرشارى خاراكتېرلىك ئىقتىسادىي ئۆزگىرىشلەر قاتارلىق ساھەلەرمۇ مۇزاكىرە قىلىنىدۇ.

-2017يىلدىن باشلاپ مۇنبەرگە قاتنىشىپ كېلىۋاتقان جۇمھۇر رەئىس رەجەپ تاييىپ ئەردوغاننىڭ بۇ يىلمۇ خەلقئارالىق تەرەققىياتلارغا مۇناسىۋەتلىك نۇتۇق سۆزلىشى مۆلچەرلەنمەكتە.

بۇ مۇنبەر سۆھبەتنى ئىلگىرى سۈرۈش، قارار چىقارغۇچىلارنى جەم قىلىش ۋە يەرشارى خاراكتېرلىك كىرىزىسلارنى باشقۇرۇشقا ۋە ئۆزگىرىش جەريانلىرىغا ئائىت يېڭى ئىستراتېگىيەلىك نۇقتىئىينەزەر بىلەن تەمىنلەشنى مەقسەت قىلىدۇ.

2025-يىللىق ت ر ت ۋورلد مۇنبىرى  ئۈچۈن تىزىملىتىش «trtworldforum.com» ئادرېسى ئارقىلىق داۋام قىلماقتا.

ئىزدىنىڭ
فىدان: «ئوتتۇرا كارىدور» ئۈچ تەرەپلىمىلىك ھەمكارلىقىمىزنىڭ ئىستراتېگىيەلىك ئومۇرتقىسىغا ئايلاندى»
مىللىي ئىستىخبارات ئىدارىسى باشلىقى ئىبراھىم كالىن غەززە دىپلوماتىيەسى ئۈچۈن قاھىرەگە يېتىپ باردى
غەززە ئۇرۇش توختىتىش كېلىشىمىنىڭ ئىككىنچى باسقۇچى ئۈچۈن قاھىرەدە سۆھبەتلەر داۋاملاشماقتا
2025-يىلى يادرو قوراللىرى خىراجىتى رېكورت خاراكتېرلىك ئېشىپ 118.8 مىليارد دوللارغا يەتتى
خىتاي ۋە شىمالىي كورېيە مۇناسىۋەتلەرنى كۈچەيتىش قارارىغا كەلدى
«ئىستانبۇل باياننامىسى» دە ھەمكارلىق سىگنالى بېرىلدى
رۇسىيەنىڭ ئۇكرائىنانىڭ خاركىۋ شەھىرىگە قىلغان ھۇجۇملىرىدا تۆت كىشى ئۆلدى
ئامېرىكانىڭ بىر تىك ئۇچار ئايروپىلانى ھورمۇز بوغۇزى ئەتراپىدا چۈشۈپ كەتتى
جۇمھۇر رەئىس ئەردوغان ۋېنېزۇئېلا مۇئاۋىن پىرېزىدېنتى رودرىگۇئېز بىلەن كۆرۈشتى
تۇساش باش مۇدىرى دەمىرئوغلۇ: تۈركىيە ھەربىي ئايروپىلان تۈرلىرىدە ياۋروپانىڭ ئالدىدا
فىدان: تۈركىيە بىلەن ھىندىستان ئىختىلاپلىرىنى بىر چەتكە قايرىپ قويۇپ، پۇرسەتلەرگە يۈزلىنىشى كېرەك
ئامېرىكادا قوراللىق ھۇجۇم يۈز بېرىپ 9 كىشى يارىلاندى
ترامپ ئىرانغا "كىلىشىم" چاقىرىقى قىلدى، نېتانياھۇغا "قايتۇرما زەربە بەرمەسلىك" بۇيرۇقى چۈشۈردى
فىلىپپىننىڭ مىنداناۋ رايونىدا 7.8 باللىق يەر تەۋرەش مەيدانغا كەلدى
قىزىل دېڭىزدا جىددىيچىلىك ئۆرلىمەكتە. خۇسىيلار ئىسرائىلىيە پاراخوتلىرىغا تەھدىت سالدى