ئامۇر تەبىئىي گاز خىمىيە سانائەت مەركىزىنىڭ ئاخبارات ئىشخانىسى تۈنۈگۈن قۇرۇلۇش مەيدانىدا يۈز بەرگەن ئوت ئاپىتى ھەققىدە بايانات ئېلان قىلدى.
باياناتتا، ئىزدەش-قۇتقۇزۇش خىزمەتلىرى جەريانىدا يەنە تۆت خىتاي پۇقراسىنىڭ جەسىتى تېپىلغانلىقى بىلدۈرۈلدى. شۇنىڭ بىلەن ئوت ئاپىتىدە ئۆلگەنلەرنىڭ سانى بىرى رۇسىيە، ئالتىسى خىتاي پۇقراسى بولۇپ جەمئىي 7 گە يەتتى.
ھۆددىگەر شىركەتتە ئىشلەيدىغان 9 خىتاي پۇقراسىنىڭ ئىز-دېرىكى تېخى ئېنىق ئەمەس. ئۇلارنى ئىزدەش-قۇتقۇزۇش خىزمەتلىرى داۋاملىشىۋاتىدۇ.
ۋەقەدىن كېيىن 152 كىشى داۋالاش ئورۇنلىرىغا مۇراجىئەت قىلغان، ئوخشىمىغان دەرىجىدە يارىلانغان 36 كىشى دوختۇرخانىدا بالنىستقا ئېلىنغان.
باياناتتا، قۇرۇلۇش مەيدانىدىكى ئوتنىڭ ئۆچۈرۈلگەنلىكى، ئەتراپتىكى ئولتۇراق رايونلارنىڭ ھاۋاسىدىكى زىيانلىق ماددىلارنىڭ مىقدارىنىڭ بەلگىلەنگەن چەكتىن ئېشىپ كەتمىگەنلىكى قەيت قىلىندى.
رۇسىيەنىڭ «Sibur» شىركىتى بىلەن خىتاينىڭ «Sinopec» شىركىتى بىرلىكتە قۇرۇۋاتقان ئامۇر تەبىئىي گاز خىمىيە سانائەت مەركىزىنىڭ، دۇنيادىكى ئەڭ چوڭ پولىمېر ۋە تەبىئىي گاز خىمىيە مەھسۇلاتلىرىنى ئىشلەپچىقىرىش ئەسلىھەلىرىنىڭ بىرىگە ئايلىنىشى مۆلچەرلەنمەكتە.
