ھاماس، ئەرەب ۋە ئىسلام دۆلەتلىرىدىن پەلەستىنلىكلەرنى قوغداشنى، ياردەم بېرىشنى ۋە ئۇرۇشنى ئاخىرلاشتۇرۇش ئۈچۈن بېسىمنى كۈچەيتىشنى تەلەپ قىلدى.
ھاماس، ئىسرائىلىيەنىڭ پۇقرالارغا قاراتقان ھۇجۇملىرىنى ئازايتقانلىقى ھەققىدىكى سۆزلەرگە قارىماي، قورشاۋ ئاستىدىكى غەززەدە ئاياللار ۋە بالىلارنى ئۆز ئىچىگە ئالغان 70 پەلەستىنلىكنى ھاۋا ھۇجۇمىدا ئۆلتۈرگەنلىكىنى بىلدۈردى.
پەلەستىن قارشىلىق كۆرسىتىش تەشكىلاتى ھاماسنىڭ باياناتىدا: «بۇ داۋاملىشىۋاتقان قانلىق ۋەزىيەتنىڭ يامانلىشىشى، ئۇرۇش جىنايەتچىسى نېتانياھۇ ھۆكۈمىتىنىڭ قورالسىز پۇقرالارغا قاراتقان ھەربىي ھەرىكەتلىرىنى ئازايتىش توغرىسىدىكى يالغانچىلىقىنى ئاشكارىلايدۇ» دېگەن سۆزلەر ئىشلىتىلدى.
ھاماس، خەلقئارا جەمئىيەت بىلەن ئەرەب ۋە ئىسلام دۆلەتلىرىنى پەلەستىنلىكلەرنى قوغداش، ياردەم بېرىش ۋە غەززەدىكى ئىككى يىلدىن بېرى داۋاملىشىۋاتقان «قىرغىنچىلىق ئۇرۇشى» ۋە ئاچارچىلىقنى ئاخىرلاشتۇرۇش ئۈچۈن بېسىمنى كۈچەيتىش مەسىلىسىدە قانۇنىي ۋە ئىنسانىي «مەسئۇلىيىتىنى» ئۈستىگە ئېلىشقا چاقىردى.
غەززە ئاخبارات ئىشخانىسىنىڭ باياناتىدا، ئىسرائىلىيە ئارمىيەسىنىڭ 93 قېتىم ھاۋا ھۇجۇمى قوزغىغانلىقى ۋە 47 نەپىرى غەززەدە بولۇپ، جەمئىي 70 كىشىنىڭ ھاياتىدىن ئايرىلغانلىقى خەۋەر قىلىندى.
بۇ ھۇجۇملار، ئامېرىكا پىرېزىدېنتى دونالد ترامپنىڭ جۈمە كۈنى ھاماسنىڭ ئۇرۇش توختىتىش تەكلىپى دائىرىسىدە ئىسرائىلىيەلىك تۇتقۇنلارنى قويۇپ بېرىشكە تەييار ئىكەنلىكىنى ئېلان قىلغاندىن كېيىن، ئىسرائىلىيەگە «غەززەنى بومباردىمان قىلىشنى دەرھال توختىتىش»قا چاقىرغاندىن كېيىن يۈز بەردى. ترامپ، ھاماسنىڭ «مەڭگۈلۈك تىنچلىققا تەييار» ئىكەنلىكىگە ئىشىنىدىغانلىقىنى بىلدۈردى.
مىسىر، شەنبە كۈنى بايانات بېرىپ، ترامپنىڭ غەززەدىكى ئۇرۇشنى ئاخىرلاشتۇرۇش پىلانى دائىرىسىدە تۇتقۇن ئالماشتۇرۇش تەپسىلاتىنى مۇزاكىرە قىلىش ئۈچۈن دۈشەنبە كۈنى ئىسرائىلىيە ۋە ھاماس ۋەكىللەر ئۆمىكىنى كۈتۈۋالىدىغانلىقىنى ئېلان قىلدى.
ترامپ، 29-سېنتەبىر ئىسرائىلىيەنىڭ ماقۇللۇقىنى ئالغاندىن كېيىن 72 سائەت ئىچىدە ئىسرائىلىيەلىك تۇتقۇنلارنى قويۇپ بېرىش، ئۇرۇش توختىتىش ۋە ھاماسنى قورالسىزلاندۇرۇشنى ئۆز ئىچىگە ئالغان 20 ماددىلىق پىلانىنى ئېلان قىلدى.
ئىسرائىلىيەنىڭ ئىرقىي قىرغىنچىلىقى
تەل ئاۋىۋ، غەززەدە 20 نەپىرى ھايات بولۇپ، جەمئىي 48 ئىسرائىلىيەلىك تۇتقۇننىڭ بارلىقىنى مۆلچەرلىمەكتە. يەنە بىر تەرەپتىن، ئىسرائىلىيە پەلەستىنلىك ۋە ئىسرائىلىيەلىك كىشىلىك ھوقۇق تەشكىلاتلىرىنىڭ بىلدۈرۈشىچە، قىيىن-قىستاق، ئاچارچىلىق ۋە داۋالاشقا سەل قاراشقا دۇچ كېلىۋاتقان تەخمىنەن 11100 پەلەستىنلىك مەھبۇسنى تۇتۇپ تۇرماقتا.
ئىسرائىلىيە، ھازىرغا قەدەر قورشاۋ ئاستىدىكى غەززەدە كۆپىنچىسى ئاياللار ۋە بالىلار بولۇپ جەمئىي 67 مىڭدىن ئارتۇق پەلەستىنلىكنى ئۆلتۈردى. رايوننىڭ كۆپ قىسمىنى ۋەيران قىلىپ، پۈتۈن ئاھالىنى دېگۈدەك يۇرت-ماكانىدىن ئايرىدى.
