موسكۋا 261 ئۇكرائىنا ئەسكىرىنىڭ جەسىتىنى قايتۇردى، كىيېۋ بولسا 24 رۇسىيە ئەسكىرىنىڭ جەسىتىنى قايتۇرۇپ بەردى.

رۇسىيە بىلەن ئۇكرائىنا پەيشەنبە (2026-يىلى 13-ئاۋغۇست) كۈنى جېنىدىن ئايرىلغان ئەسكەرلەرنىڭ جەسىتىنى ئالماشتۇردى، بۇ ئۆتكەن ئايدىن بۇيانقى ئىككى دۆلەت ئوتتۇرىسىدىكى ئەڭ يېڭى ئالماشتۇرۇش بولۇپ ھېسابلىنىدۇ.

رۇسىيە دۆلەت دۇماسىنىڭ ۋەكىلى شامسائىل سارالىيېۋ (Shamsail Saraliev)   ر ب ك (RBK) خەۋەر ئاگېنتلىقىغا بەرگەن باياناتىدا، موسكۋانىڭ 261 ئۇكرائىنا ئەسكىرىنىڭ جەسىتىنى، كىيېۋنىڭ بولسا 24 رۇسىيە ئەسكىرىنىڭ جەسىتىنى قايتۇرغانلىقىنى بىلدۈردى.

ئۇكرائىنا ھەربىي ئەسىرلەرگە مۇئامىلە قىلىش ماسلاشتۇرۇش مەركىزى بۇ ئالماشتۇرۇشنى دەلىللىدى. ئۇلار تېلېگرام (Telegram) قانىلىدا ئېلان قىلغان باياناتىدا، رۇسىيە تەرەپنىڭ باياناتىغا ئاساسەن 261 ئۇكرائىنا ئەسكىرىنىڭ جەسىتىنىڭ قايتۇرۇپ ئېلىنغانلىقىنى بىلدۈردى.

باياناتتا يەنە: «بىز خەلقئارا قىزىل كىرېست جەمئىيىتىگگ جەسەتلەرنى قايتۇرۇش تەدبىرلىرىنى ماسلاشتۇرغانلىقى ۋە قوللىغانلىقى ئۈچۈن سەمىمىي رەھمىتىمىزنى بىلدۈرىمىز» دېيىلدى.

رۇسىيە بىلەن ئۇكرائىنا ئوتتۇرىسىدىكى بۇنىڭدىن ئىلگىرىكى جەسەت ئالماشتۇرۇش 16-ئىيۇل (2026) ئەمەلگە ئاشۇرۇلغان بولۇپ، ئۇ چاغدا موسكۋا 501 جەسەتنى ئۇكرائىناغا، كىيېۋ بولسا 31 جەسەتنى رۇسىيەگە قايتۇرغان ئىدى.

مۇناسىۋەتلىك ئۇچۇرلارTRT World - EU 'bringing great dangers upon itself' by seizing vessels: Russia