يەمەندىكى خۇسىي ھەرىكىتى، دېڭىز لىنىيەلىرىگە قاراتقان ھۇجۇملىرىنى ئاشۇرىدىغانلىقى ۋە باشقۇرۇلىدىغان بومبا ھەرىكەتلىرىنى قايتىدىن باشلايدىغانلىقى بىلەن تەھدىت سالدى. خۇسىيلار، بۇ قەدەملەرنىڭ يېقىن شەرقتە ئەۋج ئېلىۋاتقان رايون خاراكتېرلىك توقۇنۇشلار بىلەن بىۋاسىتە باغلانىشلىق ئىكەنلىكىنى جاكارلىدى.
يەمەندىكى خۇسىيلار، رايوندا ئۆرلەۋاتقان جىددىيچىلىكتىن كېيىن قىزىل دېڭىزدا ئىسرائىلىيەنىڭ دېڭىز قاتنىشىغا "تولۇق ۋە تولۇقلىمىلىق بىر چەكلىمە" يۈرگۈزىدىغانلىقلىرىنى ئېلان قىلدى. دۈشەنبە كۈنى ئېلان قىلىنغان باياناتتا، ئىسرائىلىيە بىلەن باغلىنىشلىق بولغان پاراخوتلارنىڭ قايتىدىن ھۇجۇم نىشانى قىلىنىدىغانلىقى ھەققىدە ئاگاھلاندۇرۇش بەردى.
خۇسىيلار يەنە، ئىسرائىلىيەنىڭ يافا رايونىدىكى "سەزگۈر" دەپ سۈپەتلىگەن نىشانلىرىغا باشقۇرۇلىدىغان بومبا ھۇجۇملىرىنى ئۇيۇشتۇرغانلىقلىرىنى ۋە بۇ ھۇجۇملارنىڭ ئۆز نىشانىغا "ئېنىق تەككەنلىكىنى" ئىلگىرى سۈردى.
"جىددىيچىلىككە جىددىيچىلىك بىلەن جاۋاب قايتۇرىمىز"
خۇسىيلار تەرىپىدىن ئېلان قىلىنغان باياناتتا، باشقۇرۇلىدىغان بومبا ھۇجۇملىرىنىڭ «ئىسرائىلىيەنىڭ؛ ئىران، پەلەستىن، لىۋان، ئىراق ۋە يەمەندىكى "تاجاۋۇزچىلىقىغا" جاۋابەن ئېلىپ بېرىلغانلىقى» بىلدۈرۈلدى. باياناتتا يەنە، مەيداندىكى ئۆزگىرىشلەرگە ماس ھالدا ھەربىي ھەرىكەتلەرنىڭ تېخىمۇ ئاشۇرۇلىدىغانلىقى تەكىتلەندى.
باياناتتا: «جىددىيچىلىككە جىددىيچىلىك بىلەن جاۋاب قايتۇرىدىغانلىقىمىزنى جەزملەشتۈرىمىز» دېيىلدى ۋە مەشغۇلاتلارنىڭ تېخىمۇ قويۇقلىشىدىغانلىقى سىگنالى بېرىلدى.
ئىسرائىلىيە دائىرىلىرىدىن مەزكۇر دەۋالارغا قارىتا تېخىچە ھېچقانداق بايانات ئېلان قىلىنمىدى. ئەمما ئىسرائىلىيە تاراتقۇلىرىدا ئورۇن ئالغان خەۋەرلەرگە قارىغاندا، ئەتىگەن تەرەپتە يەمەندىن ئېتىلغان بىر باشقۇرۇلىدىغان بومبىنىڭ ھاۋا مۇداپىئە سىستېمىلىرى تەرىپىدىن توسۇپ قېلىنغانلىقى، ئىسرائىلىيەنىڭ ھاۋا بوشلۇقى ۋاقىتلىق تۈستە ئۇچۇشلارغا تاقالغانلىقى ئۇقتۇرۇلغان.
رايوندىكى بۇ ھەرىكەتلىنىشلەر، ئىسرائىلىيەنىڭ تۈنۈگۈن لىۋاننىڭ پايتەختى بەيرۇتنىڭ جەنۇبىغا قاراتقان ھۇجۇمىدىن كېيىن، ئىراننىڭ ئىسرائىلىيەنىڭ شىمالىي قىسمىغا باشقۇرۇلىدىغان بومبا ياغدۇرۇشنى باشلىشى بىلەن كەڭ كۆلەملىك بىر رايون خاراكتېرلىك ئەۋج ئېلىشقا ئايلانغان ئىدى. ئىسرائىلىيەنىڭمۇ ئىراننىڭ غەربىي ۋە مەركىزىي رايونلىرىنى نىشانلىغانلىقى، پايتەخت تېھراندىن تاشقىرى ئىسفاھان ۋە تەبرىزنىمۇ ئۆز ئىچىگە ئالغان نۇرغۇن شەھەرلەردە پارتلاش ئاۋازلىرىنىڭ ئاڭلانغانلىقى مەلۇم قىلىنغان ئىدى.
