دەسلەپكى مەلۇماتلارغا ئاساسلانغاندا، ياپونىيەنىڭ شەرقىي شىمالىي قىسمىدا 6.7 بال چوڭلۇقتا يەر تەۋرىگەن. ياپونىيە مېتېئورولوگىيە ئاگېنتلىقى (JMA) دەرھال دېڭىز تاشقىنى ئاگاھلاندۇرۇشى ئېلان قىلدى.
دەسلەپكى مۆلچەرىنى 6.5 بال دەپ تۈزەتكەن ياپونىيە مېتېئورولوگىيە ئاگېنتلىقى، جۈمە كۈنى ئېلان قىلغان باياناتىدا، ئېگىزلىكى بىر مېتىر (ئۈچ فۇت) غا يېتىدىغان دېڭىز دولقۇنلىرىنىڭ تىنچ ئوكياننىڭ شىمالىي قىرغاقلىرىغا زەربە بېرىش ئېھتىماللىقى بارلىقىنى بىلدۈردى.
بۇ قېتىمقى تەۋرەش شۇ يەر ۋاقتى 11:44 تە (GMT 02:44)، ئوخشاش رايوندا بىرنەچچە كۈن ئىلگىرى يۈز بەرگەن 7.5 بال چوڭلۇقتىكى تېخىمۇ كۈچلۈك يەر تەۋرەشتىن كېيىن يۈز بەردى. رايوندا بىر كۈن ئاۋۋالمۇ 5.9 بال چوڭلۇقتا يەنە بىر يەر تەۋرەش خاتىرىلەنگەن ئىدى.
ئەمەلدارلار، 7.5 باللىق يەر تەۋرەشتىن كېيىن، رايوننىڭ كەلگۈسى كۈنلەردە شۇنىڭغا ئوخشاش ياكى تېخىمۇ كۈچلۈك تەۋرەشكە دۇچ كېلىشى مۇمكىنلىكى توغرىسىدا ئاگاھلاندۇردى. ھۆكۈمەت تەرەپ، مىڭلارچە پۇقرانىڭ تارقاقلىشىشقا (بىخەتەر جايلارغا يۆتكىلىشكە) ھەرۋاقىت تەييار تۇرۇشى كېرەكلىكىنى تەكىتلىدى.
