خىتاي ۋە قاتار تاشقى ئىشلار مىنىستىرلىرى بېيجىڭدا كۆرۈشۈپ، ئوتتۇرا شەرقتىكى كۈنسېرى كۈچىيىۋاتقان جىددىيچىلىكنى مۇزاكىرە قىلدى. ئىككى تەرەپ تاقىلىپ قېلىش ئالدىدا تۇرۇۋاتقان ھورمۇز بوغۇزىدا خەلقئارا دېڭىز قاتنىشى خەۋپسىزلىكى ۋە ئەركىنلىكىگە كاپالەتلىك قىلىشنىڭ زۆرۈرلۈكىنى تەكىتلىدى.
قاتار خەۋەر ئاگېنتلىقىنىڭ بىلدۈرۈشىچە، قاتار باش مىنىستىرى، قوشۇمچى تاشقى ئىشلار مىنىستىرى مۇھەممەد بىن ئابدۇرراھمان ئالسانى خىتاي تاشقى ئىشلار مىنىستىرى ۋاڭ يى بىلەن كۆرۈشكەن.
ئالسانى سۆھبەتتە، دوھانىڭ دېڭىز قاتنىشى ئەركىنلىكىگە كاپالەتلىك قىلىدىغان بىر ھەل قىلىش چارىسىنى تېپىش ئۈچۈن ئېلىپ بېرىلىۋاتقان دىپلوماتىك تىرىشچانلىقلارنى «تولۇق» قوللايدىغانلىقىنى بىلدۈرگەن.
ئۇ يەنە ئاممىۋى ئورتاقلىشىش تور بېتى X سەھىپىسىدە ئېلان قىلغان باياناتىدا، ئىككى تەرەپلىك مۇناسىۋەتلەرنى كۈچەيتىش ۋە خەلقئارا تىنچلىق ئۈچۈن بىرلىكتە خىزمەت ئىشلەشنى ئۈمىد قىلىدىغانلىقىنى تىلغا ئالدى.
قاتار بىلەن پاكىستان، ئامېرىكا بىلەن ئىران ئوتتۇرىسىدىكى ئۇرۇشنى ئاخىرلاشتۇرۇش مۇساپىسىدە ھالقىلىق مۇرەسسەچىلىك رولىنى ئوينىماقتا.
