دونالد ترامپ ئامېرىكانىڭ ئاۋىئاماتكا زەربە بېرىش گۇرۇپپىسىنى ئۆز ئىچىگە ئالغان قوشۇمچە ھەربىي كۈچلەرنى ئوتتۇرا شەرقكە ئورۇنلاشتۇرۇشى بىلەن بىرگە، ئىراننىڭ ۋاشىنگتون بىلەن بىر كېلىشىم تۈزۈشكە تىرىشىۋاتقانلىقىنى ئېيتتى.
دۈشەنبە كۈنى Axios بىلەن ئۆتكۈزۈلگەن بىر زىيارەتتە سۆز قىلغان ترامپ، ئىران بىلەن بولغان ۋەزىيەتنىڭ «ئۆزگىرىۋاتقانلىقىنى» ئېيتىپ، ئىران يېقىنلىرىغا «چوڭ بىر فلوت (پاراخوت ئەترىتى)» كەلگەنلىكىنى بىلدۈردى.
ترامپ: «ئۇلار بىر كېلىشىم تۈزۈشنى خالايدۇ. مەن بۇنى بىلىمەن. نۇرغۇن قېتىم تېلېفون قىلدى. سۆزلەشمەكچى» دېدى.
ئامېرىكا USS Abraham Lincoln ئاۋىئاماتكا زەربە بېرىش گۇرۇپپىسىنى ئوتتۇرا شەرقكە ئورۇنلاشتۇرۇش ئارقىلىق رايوندىكى ئورنىنى كۈچەيتتى. ئامېرىكا مەركىزى قوماندانلىق ئىدارىسىمۇ (US Central Command) نىمىتىز (Nimitz) تىپلىق ئاۋىئاماتكىنىڭ رايونغا «رايونلۇق خەۋپسىزلىك ۋە مۇقىملىقنى قوللاش» مەقسىتىدە بارغانلىقىنى ئېيتتى.
ئىراندا رىيالنىڭ قىممىتىنىڭ كۆزگە كۆرۈنەرلىك تۆۋەنلىشى ۋە ئىقتىسادىي شارائىتنىڭ ناچارلىشىشى بىلەن بىرگە، 28-دېكابىردا تېھراننىڭ چوڭ بازىرىدا باشلانغان نامايىشلار دۆلەتنى زىلزىلىگە كەلتۈرگەن ئىدى. نامايىشلار كېيىن باشقا بىر قانچە شەھەرلەرگىمۇ كېڭەيدى.
ترامپ نامايىشچىلارنىڭ ئۆلتۈرۈلۈشىگە يول قويۇلسا، ئىرانغا «قاتتىق بىر زەربە بېرىلىدىغانلىقى» تەھدىتىنى كۆپ قېتىم تىلغا ئالغان ئىدى، ئەمما كېيىن سۆز تەلەپپۇزىنى يۇمشاتتى ۋە تېھراننىڭ پىلانلىغان يۈزلەرچە ئۆلۈم جازاسىنى بىكار قىلغانلىقىنى ئىلگىرى سۈردى.
ئىرانلىق ئەمەلدارلار ئامېرىكا ۋە ئىسرائىلىيەنى «قوراللىق قوزغىلاڭچىلارنى» قوللاش بىلەن ئەيىبلەپ، ئامېرىكانىڭ ھەر قانداق ھۇجۇمىغا نىسبەتەن ئىراننىڭ «تېز ۋە ئومۇميۈزلۈك» جاۋاب قايتۇرىدىغانلىقى توغرىسىدا ئاگاھلاندۇرۇش بەردى.
ئىسرائىلىيە ئىيۇن ئېيىدا ئامېرىكىنىڭمۇ قوللىشى بىلەن ئىرانغا قارشى 12 كۈن داۋاملاشقان بىر ئۇرۇش باشلىغان ئىدى. تېھران بۇ ھۇجۇملارغا جاۋابەن ئۇچقۇچىسىز ئايروپىلان ۋە باشقۇرۇلىدىغان بومبا بىلەن زەربە بەرگەن. ۋاشىنگتون كېيىنۇرۇش توختىتىش ئېلان قىلغان ئىدى.
