ئارگېنتىنا پۇتبول چولپىنى لىئونېل مېسسى، دۆلەت كوماندىسىدىكى كەسپىي ھاياتىغا خاتىمە بەرگەنلىكىنى ئۇقتۇردى. مېسسى مەزكۇر قارارى ھەققىدە توختىلىپ: «2026-يىللىق دۇنيا لوڭقىسى ھەل قىلغۇچ مۇسابىقىسىدىكى غەلىبىسىدىن بۇيانقى ئۇزۇن ئويلىنىشلاردىن كېيىن، دۆلەت كوماندىسىدىن پېنسىيەگە چىقىدىغانلىقىمىنى ھەممىڭلارغا جاكارلايمەن» دېدى.
مېسسى ئۆزىنىڭ خوشلىشىش سۆزىدە يەنە مۇنداق دېدى: «مەن ئۇنتۇلغۇسىز ئەسلىمىلەر بىلەن خوشلىشىمەن. سىلەرگە ۋە كومانداداشلىرىمغا چۈشتەك دەقىقىلەرنى ياشاتقان بولۇشنىڭ خاتىرجەملىكى ۋە ئىپتىخارى بىلەن ئايرىلىمەن. مېنى ئارگېنتىنا پۇقراسى قىلىپ ياراتقان تەڭرىگە رەھمەت ئېيتىمەن. بۇ سۆزلەرنى دۇنيا لوڭقىسىدىن ئىككى كۈن كېيىنلا يازغان ئىدىم، بۈگۈن دادامنىڭ بېشىغا كەلگەنلەردىن كېيىن بۇ قارارىمغا تېخىمۇ جەزم قىلدىم.»
39 ياشلىق مەشھۇر پۇتبولچى دۆلەت كوماندىسى بىلەن جەمئىي 207 مەيدان مۇسابىقىگە قاتنىشىپ، 125 توپ كىرگۈزگەن. مېسسىنىڭ دادسى خورخې مېسسى 8-ئاۋغۇست كۈنى 68 ياشتا ۋاپات بولغان ئىدى.
