بەھرەين ئىچكى ئىشلار مىنىستىرلىقىنىڭ «X» ئىجتىمائىي تاراتقۇ سۇپىسىدىكى باياناتىغا ئاساسلانغاندا، دۆلەتتە ئاگاھلاندۇرۇش سىگناللىرى ئىشقا كىرىشتۈرۈلگەن بولۇپ، خەلقتىن سوغۇققانلىقنى ساقلىغان ھالدا ئەڭ يېقىن بىخەتەر رايونلارغا كېتىش تەلەپ قىلىنغان.
كۇۋەيت ئارمىيەسىمۇ ئىراننىڭ دۆلەتكە باشقۇرۇلىدىغان بومبا ۋە ئۇچقۇچىسىز ھاۋا ئاپپاراتلىرى بىلەن ھۇجۇم قىلغانلىقىنى قەيت قىلدى. باياناتتا كۆرسىتىلىشىچە، بۇ ھۇجۇملارنى توسۇش ئۈچۈن ھاۋا مۇداپىئە سىستېمىلىرى ئىشقا كىرىشتۈرۈلگەن. دۆلەتتە ئاڭلىنىشى مۇمكىن بولغان پارتلاش ئاۋازلىرىنىڭ مەزكۇر ھاۋا مۇداپىئە ھەرىكەتلىرىدىن كېلىپ چىققانلىقىنى قەيت قىلغان كۇۋەيت دائىرىلىرى، ئاممىنىڭ بىخەتەرلىك يوليورۇقلىرىغا قاتتىق ئەمەل قىلىشىنى تەلەپ قىلدى.
كۇۋەيت ۋە بەھرەيننى ئۆز ئىچىگە ئالغان پارس قولتۇقىدىكى بەزى ئەرەب دۆلەتلىرى بىر نەچچە كۈندىن بۇيان ئىراندىن كەلگەن ھاۋا ھۇجۇملىرىنى مۇۋەپپەقىيەتلىك توسۇپ قالغانلىقى توغرىسىدا ئارقا-ئارقىدىن باياناتلارنى ئېلان قىلماقتا.
