پەلەستىنلىكلەر ئۈچۈن پائالىيەت قىلىدىغان ئىسرائىلىيەلىك بىر مۇداپىئە گۇرۇپپىسى شەنبە كۈنى ئېلان قىلغان باياناتىدا، ئىسرائىلىيە بىخەتەرلىك دائىرىلىرىنىڭ غەززەگە كېتىۋاتقان دۇنياۋى سۇمۇد فىلوتىدىن تۇتقۇن قىلىنغان ئىككى ئاكتىپنى قويۇپ بېرىش پىلانى ھەققىدە ئۆزلىرىگە ئۇقتۇرۇش قىلغانلىقىنى بىلدۈردى.
ئادالاھ تەشكىلاتىنىڭ باياناتىدا، ئىسرائىلىيەنىڭ ئىچكى بىخەتەرلىك ئىدارىسى شىن بېتنىڭ ئادالاھ قانۇن گۇرۇپپىسىغا بىرازىلىيە پۇقراسى تىياگو دې ئاۋىلا بىلەن تېگى پەلەستىنلىك ئىسپانىيە پۇقراسى سەيىف ئەبۇ كەشكنىڭ كۈن ئىچىدە قويۇپ بېرىلىدىغانلىقىنى بىلدۈرگەنلىكىنى يازدى.
ئىسرائىلىيەلىك دائىرىلەرنىڭ ئاۋىلا بىلەن ئەبۇ كەشكنى كۆچمەنلەر ئىدارىسىگە تاپشۇرۇپ بېرىدىغانلىقى ۋە بۇ كىشىلەرنىڭ دۆلەتتىن قوغلاپ چىقىرىلغۇچە نازارەت ئاستىدا تۇتۇلىدىغانلىقىمۇ بىلدۈرۈلدى.
بېئېرشېبادىكى بىر ئىسرائىلىيە رايونلۇق سوت مەھكىمىسى چارشەنبە كۈنى كىشىلىك ھوقۇق تەشكىلاتى ئادالاھنىڭ پائالىيەتچلەرگە قارىتا نازارەت مۇددىتىنى ئۇزارتىشقا قايتۇرغان نارازىلىق ئەرزىنى رەت قىلغان ئىدى.
ئىسرائىلىيە ئارمىيەسى 30-ئاپرېل كۈنى قورشاۋ ئاستىدىكى غەززەدىن تەخمىنەن 600 دېڭىز مىلى يىراقلىقتىكى گىرىېتسىيەنىڭ گىرىت ئارىلى ئوچۇق دېڭىزىدا دۇنياۋى سۇمۇد فىلوتىغا ھۇجۇم قىلغان ئىدى.
ئىسرائىلىيە 2007-يىلىدىن بۇيان غەززەگە ئېغىر قورشاۋ يۈرگۈزۈپ كەلمەكتە. رايوندىكى 2.4 مىليون كىشى ئاچارچىلىق گىردابىغا بېرىپ قالغان ئەھۋالدا تۇرماقتا.
ئىسرائىلىيە ئارمىيەسى 2023-يىلى ئۆكتەبىردە غەززەگە قارىتا ئىككى يىل داۋاملاشقان ۋەھشىيانە ئىرقىي قىرغىنچىلىق ئۇرۇشىنى باشلىغان بولۇپ، بۇ ئۇرۇشتا 72 مىڭدىن ئارتۇق پەلەستىن پۇقراسى ئۆلتۈرۈلگەن ۋە 172 مىڭدىن ئارتۇق كىشى يارىلاندۇرۇلغان بولۇپ، مۇھاسىرىگە ئېلىنغان رايوندا زور كۆلەملىك ۋەيرانچىلىق يۈز بەرەەن ئىدى.
