لىۋان پارلامېنتى دۆلەتتە ئۆلۈم جازاسىنى پۈتۈنلەي ئەمەلدىن قالدۇرىدىغان قانۇن تەكلىپىنى تەستىقلىدى.
لىۋان رەسمىي ئاگېنتلىقى NNA نىڭ خەۋىرىگە قارىغاندا پارلامېنت ئۆلۈم جازاسىنىڭ ئەمەلدىن قالدۇرۇلۇشىنى ۋە ئورنىغا مۇددەتسىز قاماق جازاسى بېرىلىشىنى كۆزدە تۇتقان قانۇن تەكلىپىنى ماقۇللىغان.
ئەدلىيە مىنىستىرى ئادىل ناسسار قانۇننىڭ پارلامېنتتىن ئۆتۈشىنى «تارىخىي بىر قەدەم» دەپ تەرىپلىدى ۋە ئۆلۈم جازاسىنىڭ ئەمەلدىن قالدۇرۇلۇشىنىڭ «جىنايەتكە يول قويۇلىدۇ» دېگەنلىك بولمايدىغانلىقىنى تەكىتلىدى.
لىۋاندا ئۆلۈم جازاسى ئاخىرقى قېتىم، سابىق پىرېزىدېنت ئېمىل لاھۇد ۋەزىپە ئۆتىگەن 2004-يىلى ئىجرا قىلىنغان ئىدى. مائارىپ مىنىستىرلىقىدا ۋەزىپە ئۆتەۋاتقان بىر خادىم رۇخسەت تەلىپىنىڭ مەسئۇلى تەرىپىدىن رەت قىلىنىشىدىن كېيىن ئوتتۇرىغا چىققان خۇسۇسىي كېلىشمەسلىك نەتىجىسىدە 11 خىزمەتدىشىنى ئۆلتۈرگەن ۋە جىنايىتى بېكىتىلىپ ئۆلۈم جازاسىغا ھۆكۈم قىلىنغان ئىدى.
