تۈركىيە جۇمھۇرىيىتى ساقچى باش ئىدارىسى(EGM)  15-ئىيۇل دېموكراتىيە ۋە مىللىي بىرلىك كۈنىگە ئاتاپ مەخسۇس تەييارلىغان بىر سىننى ھەمبەھرىلىدى.

تۈركىيە ساقچى باش ئىدارىسىنىڭ ئىجتىمائىي تاراتقۇ ھېساباتىدا ئېلان قىلىنغان بۇ ۋىدېيودا 15-ئىيۇل دېموكراتىيە ۋە مىللىي بىرلىك كۈنىگە مۇناسىۋەتلىك مۇنۇ سۆزلەرگە ئورۇن بېرىلدى: «15-ئىيۇل — ۋەتىنىمىزگە، بايرىقىمىزغا ۋە ئىستىقبالىمىزغا ئىگە چىققان ئەزىز خەلقىمىزنىڭ فەتونىڭ خائىنلارچە سىياسىي ئۆزگىرىش قوزغاش ئۇرۇنۇشى ئالدىدا بىر تەن، بىر جان بولۇپ نامايان قىلغان مىسلىسىز قارشىلىقى ۋە قەھرىمانلىقىنىڭ داستانىدۇر.»

ۋىدېيودا، شۇ كېچىسى خەلقنىڭ ئۆز ئېتىقادى، جاسارىتى ۋە قەتئىيلىكى بىلەن مەيدانلارغا چۈشۈپ خەلقنىڭ ئىرادىسىگە ئىگە چىققانلىقى، بىرلىك ۋە باراۋەرلىك ئالدىدا ھېچقانداق كۈچنىڭ پۇت تىرەپ تۇرالمايدىغانلىقىنىڭ پۈتكۈل دۇنياغا كۆرسىتىلگەنلىكى تىلغا ئېلىنىپ: «15-ئىيۇل دېموكراتىيە ۋە مىللىي بىرلىك كۈنىنىڭ 10-يىللىق خاتىرە كۈنىدە ماقاملارنىڭ ئەڭ ئۈستۈنى بولغان شېھىتلىك دەرىجىسىگە يەتكەن ئەزىز شېھىتلىرىمىزنى سېغىنىش ۋە مىننەتدارلىق ئىچىدە ئەسلەيمىز، قەھرىمان غازىلىرىمىزغا چەكسىز مىننەتدارلىقىمىزنى بىلدۈرىمىز» دېگەنلەر قەيت قىلىندى.

تەييارلانغان سىندا شۇ كېچىسى يۈز بەرگەن ۋەقەلەر ۋە تۈرك مىللىتى يازغان قەھرىمانلىق داستانىدىن كۆرۈنۈشلەر ئورۇن ئالدى.