سۈرىيەدە بۆلگۈنچى تېررورلۇق تەشكىلاتى پ ك ك/پ ي د/ي پ گ دە ئاتالمىش كاتتىباش بولغان بىر تېررورچى تۈركىيە دۆلەت خەۋپسىزلىك كۈچلىرىنىڭ قايىل قىلىش خىزمەتلىرى نەتىجىسىدە تەسلىم بولدى.
دۆلەت خەۋپسىزلىك مەنبەلىرىنىڭ بىلدۈرۈشىچە، بولۇپمۇ پ ي د/ي پ گ نىڭ سۈرىيەدە كونتروللۇقىدىكى رايونلاردىكى مەغلۇبىيىتىنىڭ داۋاملىشىشىغا ئەگىشىپ، بۆلگۈنچى تېررورلۇق تەشكىلاتىنىڭ ئىچكى جەھەتتىن پارچىلىنىش جەريانىمۇ تېزلەشتى.
بۇ دائىرىدە تۈركىيە دۆلەت خەۋپسىزلىك كۈچلىرىنىڭ قايىل قىلىش خىزمەتلىرى نەتىجىسىدە، 2018-يىلى تېررورلۇق تەشكىلاتىنىڭ سېپىگە قېتىلغان، 2019-يىلى سۈرىيەگە ئۆتۈپ قامىشلى، ھەسەكە ۋە ئەينۇلئەرەب رايونلىرىدا ئاتالمىش كاتتىباش سەۋىيەسىدە تېررورلۇق پائالىيەتلىرىنى ئېلىپ بارغان تېررورچى م.ئا، بۆلگۈنچى تېررورلۇق تەشكىلاتىدىن قېچىپ، چېگرا ئېغىزىدا تۈركىيە دۆلەت خەۋپسىزلىك كۈچلىرىگە تەسلىم بولدى.
بۇ تېررورچىنىڭ ھەسەكە ۋە قامىشلى رايونلىرىدا بۆلگۈنچى تېررورلۇق تەشكىلاتى نامىدىن تېررورلۇق پائالىيەتلىرىنى ئېلىپ بارغانلىقى، 2021-يىلى ئەينۇلئەرەب رايونىغا ئەۋەتىلگەنلىكى ۋە بۇ رايوندا تېررورلۇق تەشكىلاتى ئىشلەتكەن تونېل ۋە پاناھ جايلاردا پ ي د/ي پ گ ئەزاسى تېررورچىلارنى تەربىيەلىگەنلىكى ئېنىقلاپ چىقىلدى.
