ئامېرىكا پىرېزىدېنتى دونالد ترامپنىڭ چوڭ ئوغلى دون ج ر (Don Jr.) ئىلگىرى ئاقساراي نامزاتلىقىنى ئويلاشمىغانلىقىنى بىلدۈرگەن بولسىمۇ، چارشەنبە كۈنى ئېلان قىلغان باياناتىدا، «بەلكىم بىر كۈنى» پىرېزىدېنتلىققا نامزات بولىشى مۇمكىنلىكىنى ئېيتتى.

دوھادىكى بىر مۇنبەردە، دادىسىدىن كېيىن پىرېزىدېنتلىق سايلىمىغا قاتنىشىشنى ئويلاشقان ياكى ئويلاشمىغانلىقى سورالغاندا، دون ج ر ئالدى بىلەن كۈلۈمسىرىدى ئاندىن بۇ ئېھتىماللىققىمۇ مۇمكىن دەپ قارايدىغانلىقىنى ئىما قىلدى.

دون ج ر بلۇمبېرگنىڭ قاتار ئىقتىسادىي مۇنبىرى يىغىنىدىكى بىر مۇھاكىمە يىغى جەريانىدا: «بۇ سوئالنىڭ سورىلىشى بىر شەرەپ، بەزى كىشىلەرنىڭ بۇ پىكىرنى قوبۇل قىلىشىمۇ بىر شەرەپ» دېدى. زالدىكى بەزى قاتناشقۇچىلار بۇ سۆزلەرنى ئالقىشلىدى.

دون ج «بىر نېمە دېگىلى بولمايدۇ» دېگەننىمۇ سۆزلىرىگە ئىلاۋە قىلدى.

47  ياشلىق دونالد ترامپ ج ر ئائىلىسىنىڭ ھەشەمەتلىك مۇقىم مۈلۈك شىركىتى «ترامپ گۇرۇھى» (Trump Organization)  دا مۇئاۋىن رەئىسلىك ۋەزىپىسىنى ئۆتەپ كەلمەكتە ۋە دادىسىنىڭ سىياسىي كۈنتەرتىپىنىڭ كۈچلۈك قوللىغۇچىسىدۇر.

ترامپ گۇرۇھىنىڭ باشقۇرۇلۇشى

مارت ئېيىدا، سولچىل خاھىشتىكى بىر خەۋەر تور بېكىتى بولغان مېدىيەيت (Mediate)، دون ج ر نىڭ 2028-يىلى پىرېزىدېنتلىققا نامزات بولۇشنى «جىددىي ئويلىشىۋاتقانلىقىنى» خەۋەر قىلغان بولۇپ، ئەمما دون ج ر ئەينى چاغدا بۇنى رەت قىلغان ئىدى. بىراق، چارشەنبە كۈنى دون ج ر ئاقسارايغا نامزات بولۇش ئېھتىماللىقىنى نەزەردىن ساقىت قىلمىدى. بلۇمبېرگ مۇنبىرىدە: «بىلمەيمەن، بەلكىم بىر كۈنى، بىلىسىلەرز، ئۇ چاقىرىق كەلسە» دېدى.

ئۇ يەنە: «مېنىڭچە دادام جۇمھۇرىيەتچىلەر پارتىيەسىنى ھەقىقەتەن ئۆزگەرتتى. ئەمدىلىكتە بۇ پارتىيە ئامېرىكانى ئالدىنقى ئورۇنغا قويىدىغان پارتىيەگە ئايلاندى، ماگا   (MAGA) كاتتا پارتىيە، قانداق چۈشەنسىڭىز شۇنداق» دېدى.

ترامپ گۇرۇھى 2016-يىلدىكى سايلام غەلىبىسىدىن بۇيان پىرېزىدېنتنىڭ ئەڭ چوڭ ئىككى ئوغلى دون ج ر ۋە ئېرىك تەرىپىدىن باشقۇرۇلۇپ كەلمەكتە.

پىرېزىدېنت ترامپ ھازىر رەسمىي باشقۇرغۇچىلىق سالاھىيىتىگە ئىگە ئەمەس، ئائىلە شىركىتىدىكى پاي ھوقۇقىنى بىر ئىشەنچ فوندى ئارقىلىق داۋاملىق ساقلاپ كەلمەكتە.ا