ئۇكرائىنا پىرېزىدېنتى ۋولودىمىر زېلېنسكىي ئىتتىپاقداشلىرىدىن ئۇكرائىناغا بېرىدىغان ھاۋا مۇداپىئە باشقۇرۇلىدىغان بومبىلىرىنىڭ 2026-يىلىدا كۆرۈنەرلىك دەرىجىدە ئازايغانلىقىنى بىلدۈردى.
ئۇكرائىنا پىرېزىدېنتى ۋولودىمىر زېلېنسكىي ئىجتىمائىي ئالاقە ھېساباتىدا ئېلان قىلغان باياناتىدا، ئارمىيە، ھۆكۈمەت ۋە بىخەتەرلىك ئورگانلىرىنىڭ مەسئۇللىرى بىلەن كۆرۈشۈپ، ئالدىنقى فىرونتىكى ئەڭ يېڭى ئۆزگىرىشلەرنى مۇزاكىرە قىلغانلىقىنى ئېيتتى.
زېلېنسكىينىڭ ئاشكارىلىشىچە، ئۇلار دونېتسك رايونىغا قاراشلىق كونستانتىنىۋكا ۋە سلوۋيانسك شەھەرلىرى يۆنىلىشىدە ئۇكرائىنا ئارمىيەسىنىڭ تاشلايدىغان قەدەم-باسقۇچلىرى، ئۇكرائىنا قوراللىق كۈچلىرى خادىملىرىغا مۇناسىۋەتلىك مەسىلىلەر ھەمدە ئىستراتېگىيەلىك ئۇل – ئەسلىھە مۇئەسسەسەلىرىنى روسىيەنىڭ ھۇجۇملىرىدىن قوغداش ئۈچۈن قوشۇمچە تەدبىرلەرنى يولغا قويۇش قاتارلىق مەسىلىلەرنى مۇزاكىرە قىلغان.
ئىتتىپاقداش دۆلەتلەرنىڭ ئۇكرائىناغا ھاۋا مۇداپىئە سىستېمىسى ئۈچۈن زۆرۈر بولغان باشقۇرۇلىدىغان بومبا تەمىلشىنىڭ كۆرۈنەرلىك دەرىجىدە ئازايغانلىقىنى تەكىتلىگەن زېلېنسكىي: «ھاۋا مۇداپىئەسى ئۈچۈن تەمىنلەنگەن باشقۇرۇلىدىغان بومبا سانى 2025-يىلىدىكىگە سېلىشتۇرغاندا 3 ھەسسە ئازايدى. بۇ پەقەت بۇ يازدىلا ئەمەس، بەلكى 2026-يىلىنىڭ بىرىنچى يېرىمىدىكى پۇتۇن مەزگىلنى ئۆ ئىچىگە ئالىدۇ. ھالبۇكى ئىتتىپاقداشلاردا باشقۇرۇلىدىغان بومبا بار» دېدى.
روسىيەنىڭ نېفىت زاۋۇتلىرى ۋە مۇھىم مۇئەسسەسەلىرىگە قارىتىلغان ھۇجۇملارنىڭ داۋاملىشىدىغانلىقىنى تەكىتلىگەن زېلېنسكىي: «جېدەلخور تەجاۋۇزچى ئۈچۈن ئۇرۇشنىڭ ئۇزىراپ كېتىشىنىڭ بەدەللىرى ئاشىدۇ» دېدى.
