ئىشغالىيەت ئاستىدىكى ئىيوردان دەرياسىنىڭ غەربىي قىرغىقىدا، ئىسرائىلىيە ئەسكەرلىرى ۋە پەلەستىن زېمىنلىرىنى بېسىۋالغان قانۇنسىز كۆچمەنلەرنىڭ راماللاھقا يېقىن مۇغاييىر يېزىسىغا قىلغان ھۇجۇمىدا بىر بالىنى ئۆز ئىچىگە ئالغان 2 پەلەستىنلىك ھاياتىدىن ئايرىلدى. يېزا مەسئۇلى ئەمىن ئەبۇ ئالىيانىڭ بىلدۈرۈشىچە، كۆچمەنلەر پەلەستىنلىكلەرنىڭ ئۆيلىرىگە ھۇجۇم قىلىپ چارۋىلىرىنى ئوغرىلىغان، ئىسرائىلىيە ئارمىيەسىنىڭ مەرگەنلىرى بولسا قارشىلىق كۆرسەتكەن يەرلىك ئاھالىگە ئوق چىقارغان.
پەلەستىن سەھىيە مىنىستىرلىقى ھۇجۇمدا 19 ياشلىق ئۆمەر مۇھەممەد ناجى نائاسان بىلەن 16 ياشلىق خەلىل راسىم خەلىل شاھادەنىڭ ھاياتىدىن ئايرىلغانلىقىنى جەزملەشتۈردى.
2023-يىلى ئۆكتەبىردىن بۇيان، رايوندا پەلەستىنلىكلەرگە قاراتقان زوراۋانلىق، قولغا ئېلىش ۋە ئۆي - ماكانلىرىدىن ئايرىپ قويۇش ھەرىكەتلىرى بارغانسېرى ئەۋج ئالماقتا.
