فاھرەتتىن ئالتۇن ئىستانبۇلدا ئۆتكۈزۈلگەن «TRT دۇنيا پۇقراسى مۇكاپاتى» پائالىيىتىگە قاتنىشىپ سۆز قىلدى؛ ئۇ سۆزىدە جۇمھۇر رەئىس رەجەپ تاييىپ ئەردوغاننىڭ رەھبەرلىكىدە تۈركىيەنىڭ دۇنيا سەھنىسىدە، پۈتكۈل ئىنسانىيەتنىڭ كۆزى ئالدىدا ئادالەت ۋە ھەقىقەت كۈرىشى قىلىۋاتقانلىقىنى تەكىتلىدى.

ئالتۇن تۈركىيەنىڭ بىر دۇنياۋى كۈچ سۈپىتىدە خەلقئارا سىياسەت سەھنىسىدە مەۋجۇتلۇقىنى نامايان قىلىۋاتقانلىقىغا ئىشارەت قىلىپ: «نۇرغۇن كىرىزىس رايونلىرىدا، نۇرغۇن دۇنياۋى مەسىلىلەرنى ھەل قىلىشتا تۈركىيەنىڭ پوزىتسىيەسى جەريانلارغا تەسىر كۆرسەتمەكتە. رۇسىيە-ئۇكرائىنا ئۇرۇشىدا، پەلەستىندە، ئىسرائىلىيەنىڭ زۇلۇم سىياسەتلىرىدە، يەنە بىر تەرەپتىن سۈرىيە كىرىزىسىدا، لىۋىيەدە ۋە ئېفىيوپىيە بىلەن سومالى ئارىسىدا چىققان كىرىزىسنى ھەل قىلىشتا... بۇلارنىڭ ھەممىسىدە تۈركىيە ھۆرمەتلىك جۇمھۇر رەئىسىمىزنىڭ رەھبەرلىكىدە ھەقىقىي مەنىدە مەسئۇلىيەتنى ئۈستىگە ئېلىپ دادىل قەدەم تاشلىماقتا» دېدى.