ئەگە ئېكسپورتچىلار بىرلەشمىسىنىڭ مەلۇماتلىرىغا ئاساسلانغاندا، تۈركىيە يانۋار ۋە ماي ئايلىرىدا 92 مىڭ 494 توننا تۇخۇم ئېكسپورت قىلىپ، 240 مىليون 79 مىڭ دوللار كىرىم قىلدى.

بۇ ساھەنىڭ ئەڭ چوڭ بازىرى 47 مىليون 577 مىڭ دوللارلىق ئېكسپورت بىلەن ئىراق بولغان بولسا، يىلنىڭ دەسلەپكى 5 ئېيىدا ئەڭ كۆزگە كۆرۈنەرلىك ئېشىش ياۋروپا بازىرىدا مەيدانغا كەلدى.

ئۆتكەن يىلنىڭ يانۋار-ماي ئېيى مەزگىلىدە 2 مىليون 204 مىڭ دوللارلىق ئىتالىيەگە تۇخۇم ئېكسپورت قىلىش مىقدارى، بۇ يىلنىڭ ئوخشاش مەزگىلىدە 24 مىليون 773 مىڭ دوللارغا ئۆرلىدى. ئىتالىيەگە ئەۋەتىلگەن تۇخۇم مىقدارى 1.2 مىڭ توننىدىن 13.2 مىڭ توننىغا چىقتى. شۇنداق قىلىپ، ئىتالىيەگە قىلىنغان ئېكسپورت قىممەت جەھەتتىن %1024، ۋە مىقدار جەھەتتىن بولسا  %1000 ئاشقان بولدى.

ياۋروپانىڭ تۇخۇم بازىسى تۈركىيەگە يۈزلەندى

ياۋروپانىڭ ئالدىنقى قاتاردىكى تۇخۇم ئىشلەپچىقارغۇچىلىرىدىن بىرى بولغان پولشادا قۇش زۇكىمى مەنبەلىك ئىشلەپچىقىرىش ۋەيرانچىلىقى، دۆلەتنىڭ سىرتتىن سېتىۋېلىش مىقدارىنى ئاشۇردى.

ئۆتكەن يىلنىڭ دەسلەپكى 5 ئېيىدا تۈركىيەدىن 109 مىڭ دوللارلىق تۇخۇم سېتىۋالغان پولشانىڭ ئىمپورتى، بۇ يىلنىڭ ئوخشاش مەزگىلىدە 19 مىليون 681 مىڭ دوللارغا كۆتۈرۈلدى.پولشاغا ئەۋەتىلگەن تۇخۇم مىقدارى 15 توننىدىن 11 مىڭ توننىغا يەتتى.

ئىزمىر تۇخۇم ئىشلەپچىقارغۇچىلار بىرلەشمىسىنىڭ رەئىسى نەرىمان دەرە چاتماداش، تۈركىيەنىڭ يىللىق 20 مىليارد ئەتراپىدا تۇخۇم ئىشلەپچىقىرىدىغانلىقىنى ئېيتتى.

چاتماداش تۈركىيەنىڭ ئىشلەپچىقىرىشتا ئالدىنقى 10 نىڭ قاتارىدىن ئورۇن ئالىدىغانلىقىنى ۋە ئىشلەپچىقىرىش مىقدارىنىڭ %25 كە يېقىن قىسمىنى ئېكسپورت قىلىدىغانلىقىنى بىلدۈرۈپ، بۇ يەردە ئىشلەپچىقىرىلغان تۇخۇملارنىڭ ئىنتايىن سۈپەتلىك ئىكەنلىكىنى تەكىتلىدى.

چاتماداش، تۈرك ئىشلەپچىقارغۇچىلارنىڭ يېقىنقى يىللاردا يەم-خەشەك ۋە ئىشلەپچىقىرىش جەھەتتە جىددىي تەجرىبىلەرگە ئېرىشكەنلىكىنى، بۇ ساھەنىڭ خام ئەشيا سۈپىتى ۋە ھايۋان سالامەتلىكى نۇقتىسىدىن مۇھىم ئىلگىرىلەشلەرنى قولغا كەلتۈرگەنلىكىنى تىلغا ئالدى.

تۈركىيە تۇخۇم ئىشلەپچىقىرىشتا دۇنيا بويىچە 9- ۋە ياۋروپا بويىچە 2-ئورۇندا تۇرىدۇ.