دەل مۇشۇنداق بىر پەيتتە، ئىسرائىلىيە باش مىنىستىرى نېتانياھۇ پەلەستىن دۆلىتىنىڭ قۇرۇلۇشىغا قارشى تۇرىدىغانلىقىنى يەنە بىر قېتىم ئېلان قىلدى.
بېنيامىن نېتانياھۇ ۋەزىپە مۇددىتى بويىچە غەززەدە ياكى ئىشغال ئاستىدىكى غەربىي قىرغاقتا بىر پەلەستىن دۆلىتىنىڭ قۇرۇلۇشىغا رۇخسەت بەرمەيدىغانلىقىنى ئېيتتى. نېتانياھۇنىڭ بۇ باياناتى بىرلەشمە ئەرەب تىزىملىكى رەھبىرى ئامىن ئابباسنىڭ پەلەستىننىڭ دېمىسىمۇ بىر دۆلەت سۈپىتىدە مەۋجۇت ئىكەنلىكىنى ۋە دۇنيا تەرىپىدىن ئېتىراپ قىلىنغانلىقىنى بىلدۈرۈپ ئىسرائىلىيە بىلەن ئامېرىكاغمۇ ئېتىراپ قىلىش چاقىرىقىدا بولۇشىغا جاۋابەن ئېلان قىلىندى.
شەنبە كۈنى تەييىبەدە ئۆتكۈزۈلگەن پارتىيە ئومۇمىي كېڭىشىدە سۆز قىلغان ئابباس، پەلەستىن دۆلىتىنىڭ مەۋجۇتلۇقى تەرەپكە دىققەتلەرنى تارتىپ تىنچلىقنى تەكىتلىگەن ئىدى. نېتانياھۇ بولسا "مەن باش مىنىستىرلىق ۋەزىپىسىدە بولغان مۇددەت بويىچە ئىران تىزگىنىدىكى بىر پەلەستىن دۆلىتى قۇرۇلمايدۇ" دېگەن سۆزلەر بىلەن جاۋاب قايتۇردى.
باياناتلار 27-ئۆكتەبىردە ئۆتكۈزۈلۈشى پىلانلانغان مۇداەتتىن بۇرۇنقى سايلام ئالدىدا ئېلان قىلىنغان بولۇپ، مۇلاھىزىلەر نېتانياھۇ رەھبەرلىكىدىكى لىكۇد پارتىيەسى ۋە ھاكىمىيەت ئىتتىپاقىنىڭ پارلامېنتتا ھۆكۈمەت قۇرۇش ئۈچۈن كېرەكلىك بولغان 61 ئورۇندۇقلۇق كۆپ سانلىقنىڭ ئىنتايىن ئارقىسىدا قالغانلىقىنى كۆرسەتمەكتە. نۆۋەتتە 32 ئورۇندۇققا ئىگە لىكۇدنىڭ ئاۋازلىرىنىڭ ئاخىرقى مۇلاھىزىلەردە تېز سۈرئەتتە تۆۋەنلىگەنلىكى كۆرۈلمەكتە، Kanal 13 نىڭ 19-ئاۋغۇستتا ئېلان قىلغان ئاممىۋى پىكىر تەتقىقاتىمۇ نېتانياھۇ گۇرۇپپىسىنىڭ ئومۇمىي ئورۇندۇق سانىنى 51 دەپ مۆلچەرلىگەن ئىدى.
