تەنتەربىيە سارىيىنىڭ 8-نومۇرلۇق دەرۋازىسى ئالدىدا ساقچىلارغا تاش ۋە بوتۇلكىلار ئېتىلغان بولۇپ، يەرلىك مەتبۇئاتلار ۋەقەلەر نەتىجىسىدە ئونلىغان كىشىنىڭ قولغا ئېلىنغانلىقىنى خەۋەر قىلدى.
مېكسىكا شەھىرى ساقچىلىرى، مۇسابىقە تەييارلىق مۇساپىسىدە ھەپتە بويى ئوقۇتقۇچىلار، پېنسىيونېر سوتچىلار ۋە دۆلەتتە يوقاپ كەتكەن 130 مىڭ كىشىنىڭ ئائىلە-تاۋابىئاتلىرىنىڭ نارازىلىق نامايىشلىرىغا دۇچ كەلگەن ئىدى؛ بىراق تەنتەربىيە سارىيى ئالدىدىكى جېدەل-ماجرانىڭ سىياسىي مەقسىتى يوقلۇقى بىلدۈرۈلدى.
دەرۋازىغا بېسىپ كىرىشكە ئۇرۇنغان نىقابلىق بىر گۇرۇھ ساقچىلارغا خىش، مولوتوف بومبىسى ۋە تۈرلۈك نەرسىلەرنى ئاتتى. ھۇجۇملار سەۋەبىدىن بىرنەچچە ساقچى خادىمى تېببىي ياردەمگە ئېھتىياجلىق بولۇپ قالدى.
مېكسىكا پۇقرالار خەۋپسىزلىكى كاتىبات باشقارمىسىنىڭ باياناتچىسى تەرىپىدىن ئېلان قىلىنغان باياناتتا مۇنداق دېيىلدى:
«تەخمىنەن 800 نامايىشچىدىن تەشكىل تاپقان ئىككى گۇرۇپپىدىن ئايرىلىپ چىققان نىقابلىق 200 گە يېقىن كىشى قالايمىقانچىلىق تۇغدۇردى، بىراق ۋەزىيەت شەھەر ساقچىلىرى تەرىپىدىن كونترول ئاستىغا ئېلىندى.»
تەنتەربىيە سارىيى ئەتراپىدىكى 3 كىلومېتىرلىق يولنى تااقش بەلگىلىمىلىرىگە قارىماي، كەم دېگەندە ئوخشىمىغان بەش نامايىشچى گۇرۇپپا رايونغا توپلاندى.
بىراق مۇسابىقىنىڭ باشلىنىش ئىشارىتىنىڭ كېچىكتۈرۈلۈشى ئېھتىماللىقىغا بولغان ئەنسىرىشلەر ئورۇنسىز چىقتى ۋە مۇسابىقە ۋاقتىدا باشلاندى.
شەھەر مەركىزىدىكى زوكالو مەيدانىدا ئۆتكۈزۈلگەن FIFA مەستانىلەر بايرىمى (Fanfest) پائالىيىتىمۇ، نامايىشچى گۇرۇپپىلارنىڭ بىكار قىلدۇرۇش ئۇرۇنۇشلىرىغا قارىماي پىلان بويىچە ئېلىپ بېرىلدى.
مېكسىكا پىرېزىدېنتى كلاۋدىيە شەينباۋم بولسا بېلىتىنى 21 ياشلىق بىر لاتارىيەچىگە ئۆتۈنۈپ بەرگەنلىكى ئۈچۈن، مۇسابىقىنى تەنتەربىيە سارىيىدا كۆرمىدى.
