تاشقى ئىشلار مىنىستىرى خاقان فىداننىڭ سۈرىيەنىڭ پايتەختى دەمەشقتە يېڭى ھاكىمىيەتنىڭ رەھبىرى ئەھمەد شارا بىلەن كۆرۈشۈشى دۇنيا مەتبۇئاتلىرىنىڭ مۇھىم خەۋەرلەر كۈنتەرتىپىدىن ئورۇن ئالدى.
مەركىزىي قاتارغا جايلاشقان «ئەلجەزىرە» تېلېۋىزىيە قانىلى فىداننىڭ تېررورىزمغا قارشى كۈرەشنىڭ ناھايىتى مۇھىملىقىنى تەكىتلەپ قىلغان مۇنۇ سۆزلىرىنى نەقىل كەلتۈردى: «كېيىنكى باسقۇچتا سۈرىيەنىڭ تېررورلۇق تەشكىلاتلىرىدىن تازىلىنىشىنى ئۈمىد قىلىمىز.»
مەركىزىي دۇبەيگە جايلاشقان «ئەلئەرەبىيە» تېلېۋىزىيە قانىلىمۇ بۇ تارىخىي زىيارەتنى كۆپ قېتىم تارقاتتى ۋە فىداننىڭ مۇنۇ سۆزلىرىنى كۆرۈرمەنلىرىنىڭ دىققىتىگە سۇندى: «تېررورلۇق تەشكىلاتى پ ك ك/ي پ گ سۈرىيە خەلقىنىڭ زېمىنىنى ئىشغال قىلماقتا.»
«فرانس 24» تېلېۋىزىيە قانىلىمۇ بۇ ئۇچرىشىش ھەققىدە تارقاتقان «تۈركىيە تاشقى ئىشلار مىنىستىرى فىدان دەمەشقتە» سەرلەۋھىلىك خەۋىرىدە، فىداننىڭ شارا بىلەن ئېلىپ بارغان ئۇچرىشىشىنىڭ تەپسىلاتلىرىغا كەڭ ئورۇن بەردى.
گېرمانىيەنىڭ «زېيت» گېزىتى فىداننىڭ: «تېررورلۇق تەشكىلاتى پ ك ك/ي پ گ گە سۈرىيەدە قەتئىي ئورۇن يوق» دېگەن سۆزلىرىنى باش تېما قىلىپ ئېلان قىلغان خەۋىرىدە، فىداننىڭ سۈرىيەنى قايتا قۇرۇش ئۈچۈن خەلقئارا جەمئىيەتكە قىلغان مۇنۇن چاقىرىقىنى ئوقۇرمەنلىرى بىلەن ئورتاقلاشتى: «خەلقئارا جەمئىيەت سۈرىيە يېڭى ھاكىمىيىتىنى كۈچلۈك قوللىشى كېرەك.»
گىرېتسىيەنىڭ دۆلەتلىك تېلېۋىزىيەسى «ERT»، فىداننىڭ شارا بىلەن ئېلىپ بارغان ئۇچرىشىشتا تۈركىيەنىڭ تېررورىزمغا قارشى كۈرەش ئىرادىسىنىڭ ئىنتايىن قەتئىيلىكىنى تەكىتلىگەنلىكىنى خەۋەر قىلدى.
خىتاي دۆلەتلىك تېلېۋىزىيەسى «CCTV» فىداننىڭ: «تېررورلۇق تەشكىلاتى پ ك ك/ي پ گ دەرھال تارقىلىپ كېتىشى كېرەك» دېگەن سۆزلىرىنى ۋە ئىسرائىلىيەنىڭ سۈرىيە زېمىنىدىكى دەسەندىچىلىكلىرىگە قارىتا بىلدۈرگەن نارازىلىقىنى كۆرۈرمەنلىرىنىڭ دىققىتىگە سۇندى .
