تۈركىيە جۇمھۇرىيىتى جۇمھۇر رەئىسى ئەردوغان ئىلگىرىكى يىللاردا ب د ت ئومۇمىي كېڭىشىدە قىلغان نۇتۇقلىرىغا ئوخشاش، بۇ يىلقى نۇتقىدىمۇ دۇنياۋى ئادالەتسىزلىككە دىققەتنى تارتىپ، تېخىمۇ ئادىل تەرتىپ ئورنىتىشقا چاقىردى.
جۇمھۇر رەئىس ئەردوغاننىڭ ب د ت ئومۇمىي كېڭىشىدىكى 16-قېتىملىق نۇتقى ئىجتىمائىي ئالاقە سۇپىلىرىدىمۇ كۈچلۈك قىزىقىش قوزغىدى. ئابونتلار نۇتۇق ھەققىدىكى يازمىلىرىدا «Adaletin Sesi Erdoğan»، «#ErdoganTheVoiceOfJustice» ۋە «Dünya Beşten Büyüktür» خەتكۈچلىرىنى ئىشلەتتى.
بۇ خەتكۈچلەر بىلەن يۈزمىڭلىغان يازما ھەمبەھرىلەندى؛ يازمىلارنىڭ ئومۇمىي كۆرۈلۈش قېتىم سانى مىلياردلارغا يەتتى.
«Adaletin Sesi Erdoğan»، «#ErdoganTheVoiceOfJustice» ۋە «Dünya Beşten Büyüktür» خەتكۈچلىرى قىسقا ۋاقىت ئىچىدە تۈركىيە ۋە دۇنيا كۈنتەرتىپىدە بىرىنچى ئورۇنغا چىقتى.
جۇمھۇر رەئىس ئەردوغان نۇتقىدا ئورۇن بەرگەن مۇھىم ئۇچۇرلار ئىجتىمائىي تاراتقۇ ئابونتلىرىنىڭ يازمىلىرىدا گەۋدىلىك ئورۇن ئالدى.
ئەردوغاننىڭ ب د ت ئومۇمىي كېڭىشىدىكى نۇتقى ئوخشىمىغان دۆلەتلەردىكى ئابونتلارنىڭ يازمىلىرى ئارقىلىقمۇ رەقەملىك سۇپىلاردا دۇنيا مىقياسىدا قىزىق نۇقتىغا ئايلاندى.
