تۈركىيەنىڭ ۋىتسې-پىرىزىدېنتى جەۋدېت يىلمازنىڭ بىلدۈرۈشىچە، 2017-يىلدىن بۇيان تۈركىيەگە يىلماز دۈشەنبە كۈنى ئاممىۋى ئورتاقلىشىش تور بېتى X سەھىپىسىدە ئېلان قىلغان باياناتىدا مۇنداق دېدى:
«تۇنجى تۈركۈمدىكى سۈرىيەلىكلەر چېگرا ھالقىغان ھەربىي ھەرىكەتلەر نەتىجىسىدە بەرپا قىلىنغان بىخەتەر رايونلارغا قايتتى. كېيىنچە، دىكتاتور بەششار ئەسەد ھاكىمىيىتىنىڭ ئاغدۇرۇلۇشى بىلەن سۈرىيەلىكلەرنىڭ يۇرتىغا قايتىشى تېزلەشتى.»
تۈركىيە كۆچمەنلەرنى باشقۇرۇش باش ئىدارىسىنىڭ سانلىق مەلۇماتلىرىغا قارىغاندا، 2024-يىلى 9-دېكابىردىن بۇيان 145 مىڭ 639 سۈرىيەلىك ئۆز ئىختىيارلىقى بىلەن يۇرتىغا قايتقان —سۈرىيەلىكلەر ئۆكتىچى كۈچلەرنىڭ كۈتۈلمىگەن ھۇجۇمىدىن كېيىن بەششار ئەسەد ھاكىمىيىتىنىڭ سۈرىيەدە يىمىرىلىشىدىن كېيىنلا يۇرتىغا قايتقان.
مۇئاۋىن جۇمھۇر رەئىس جەۋدەت يىلماز مۇنداق دېدى:
«سۈرىيەدە بىخەتەرلىك شەرت - شارائىتلىرى، ئاساسلىق مۇلازىمەتلەر ۋە ئىقتىسادىي مۇھىت ياخشىلانغانسېرى بۇ سانلارنىڭ تېخىمۇ تېز كۆپىيىشى كۈتۈلمەكتە.»
بۇنىڭدىن ئىلگىرى تۈركىيە تاشقى ئىشلار مىنىستىرى خاقان فىدان سۈرىيەدە كىشىلەرنىڭ كۈندىلىك ھاياتىنىڭ ئىزىغا چۈشۈشىنىڭ ئىنتايىن مۇھىملىقىنى تەكىتلەپ مۇنداق دېگەن ئىدى:
«سۈرىيەدە كۈندىلىك ھايات ئىزىغا چۈشمىسە، تۈركىيەدىكى ۋە باشقا قوشنا دۆلەتلەردىكى مۇساپىرلارنىڭ سۈرىيەگە قايتىشى مۇمكىن ئەمەس. ھازىر بەزى ئۆزگىرىشلەرنى كۆرمەكتىمىز، لېكىن بۇلار يېتەرلىك ئەمەس. ئەڭ مۇھىمى بىخەتەرلىك ۋە مۇقىملىق ئورنىتىش ھەم قوغداشتۇر.»
بەششار ئەسەد ئۇدا 25 يىل سۈرىيەنىڭ رەھبىرى سۈپىتىدە ۋەزىپە ئۆتىگەندىن كېيىن، 8-دېكابىر كۈنى ئۆكتىچى گۇرۇپپىلارنىڭ دەمەشقنى ئىگىلىشىدىن كېيىن رۇسىيەگە قېچىپ كەتتى. شۇنىڭ بىلەن، 1963-يىلدىن بۇيان ھاكىمىيەت يۈرگۈزۈپ كەلگەن بەئىس پارتىيەسى دەۋرى ئاخىرلاشتى.
بەششار ئەسەدنى ئاغدۇرۇش ئۈچۈن ئۆكتىچى كۈچلەرگە رەھبەرلىك قىلغان ئەھمەد ئەششارا 29-يانۋار كۈنى ئۆتكۈنچى سۈرىيە ھاكىمىيىتىنىڭ دۆلەت باشلىقى ئېلان قىلىندى.
