مىنىستىرلىقتىن ئېلان قىلىنغان يازما باياناتتا، ئافرىقا قىتئەسىنىڭ تىنچلىق، ئەركىنلىك، بىرلىك ۋە ھەمكارلىق روھىغا ۋەكىللىك قىلىدىغان بۇ ئالاھىدە كۈننىڭ سەمىمىيەت بىلەن تەبرىكلەنگەنلىكى بىلدۈرۈلدى.
باياناتتا، تۈركىيەنىڭ ئافرىقا بىرلىكىنىڭ ئىستراتېگىيەلىك شېرىكى ئىكەنلىكى ئەسكەرتىلدى ۋە ھەمكارلىقنىڭ تۈپ پىرىنسىپلىرى تەرەپكە دىققەتلەرنى تارتىپ مۇنداق دېيىلدى:
«ئافرىقا بىرلىكىنىڭ ئىستراتېگىيەلىك شېرىكى بولغان تۈركىيە، باراۋەر شېرىكلىك، ئۆز-ئارا ئىشەنچ ۋە ھۆرمەت بىلەن تەڭ مەنپەئەتلىنىش پىرىنسىپى ئاساسىدا، ئافرىقا قىتئەسىنىڭ تەرەققىيات، ئادالەت ۋە تىنچلىق مۇساپىسىدە ئافرىقا خەلقلىرىنىڭ دائىم يېنىدا بولۇشنى داۋاملاشتۇرىدۇ. بۇ رامكىدا، بۇ يىل ئۆتكۈزۈشنى نىشانلىغان ۋە ھەمكارلىقىمىزنىڭ تېخىمۇ ئىلگىرىلىشىگە پۇرسەت يارىتىپ بېرىدىغان <تۆتىنچى نۆۋەتلىك تۈركىيە-ئافرىقا ھەمكارلىق باشلىقلار يىغىنى> نىڭ تەييارلىق خىزمەتلىرىنى ئىنچىكىلىك بىلەن ئېلىپ بېرىۋاتىمىز. تۈركىيە ۋە ئافرىقا، تىنچلىق، باياشاتلىق ۋە مۇقىملىقنى رايونلۇق ۋە خەلقئارالىق سەۋىيەدە ھۆكۈمران قىلىش ئۈچۈن بىرلىكتە خىزمەت قىلىشنى داۋاملاشتۇرىدۇ.»
