ۋەقە يۈز بەرگەن جايدىن قېچىپ كەتكەن 26 ياشلىق گۇماندار ساقچىلار تەرىپىدىن قولغا ئېلىندى.
سائەت 22.15 ئەتراپىدا پويىز ئىستانسىسىنىڭ قارشى تەرىپىدىكى كوچىدا يۈز بەرگەن ۋەقەدە، ئاپتوموبىلنىڭ پىيادىلەرنىڭ ئۈستىگە قەستەن ھەيدەلگەنلىكى ئۇقتۇرۇلدى.
ۋەقەدىن بۇرۇن رايوندا بىر جېدەل چىققانلىقى بىلدۈرۈلدى.
شەھەرلىك جامائەت خەۋپسىزلىكى ئەمەلدارلىرى، قۇربانلارنىڭ ھەممىسىنىڭ 17 بىلەن 40 ياش ئارىسىدىكى ئەرلەر ئىكەنلىكىنى ئېلان قىلدى.
روسىيەدە تۇغۇلغان 26 ياشلىق گۇماندارنىڭ ئىستخبارات دائىرىلىرى تەرىپىدىن تونۇلىغانلىقى، جامائەت خەۋپسىزلىكى خاتىرىلىرىدە بولسا پەقەت قاتناش جىنايەتلىرى دېلوسىنىڭلا بارلىقى ئۇقتۇرۇلدى.
نەخ مەيداندىن قاچقان گۇماندار، تەخمىنەن 20 كىلومېتىر يىراقلىقتىكى ئۇيسترېھام شەھىرىدە قولغا چۈشۈرۈلدى.
تەپتىش مەھكىمىسى ۋەقەگە مۇناسىۋەتلىك ئادەم ئۆلتۈرۈش ۋە مۇئەييەن جىنايەت بىلەن ئەيىبلەش دېلوسى باشلىدى.
سۈرۈشتۈرۈشنىڭ تېخى باشلىنىش باسقۇچىدا ئىكەنلىكىنى بىلدۈرگەن مەسئۇللار مەۋجۇت سانلىق مەلۇماتلار ئارقىلىق ۋەقەنىڭ تېررورلۇق بىلەن چېتىشلىقى يوقلىقىنى ئۇقتۇردى.
