ئامېرىكا تاشقى ئىشلار مىنىستىرلىقىنىڭ باياناتچىسى توممى پىگوتنىڭ بىلدۈرۈشىچە، ماركو رۇبىيو سۈرىيەدىكى ئاز سانلىق مىللەت گۇرۇپپىلىرىنىڭ جەمئىيەتنىڭ ھەرقايسى قاتلاملىرىغا سىڭدۈرۈشنى داۋاملاشتۇرۇشنىڭ مۇھىملىقىنى تەكىتلىگەن. ئۇ يەنە، سۈرىيەنىڭ يادرو پائالىيەتلىرىنى كۆزىتىش ۋە يادرو ئېنېرگىيەسىنى تىنچ مەقسەتتە ئىشلىتىشنى ئىلگىرى سۈرۈشكە مەسئۇل بىرلەشكەن دۆلەتلەر تەشكىلاتى ئورگىنى — خەلقئارا ئاتوم ئېنېرگىيەسى ئاگېنتلىقى بىلەن بولغان ھەمكارلىقتا قولغا كەلتۈرگەن ئىلگىرىلەشلىرىگە يۇقىرى باھا بەرگەن.
سۈرىيە تاشقى ئىشلار مىنىستىرلىقى بۇ ھەقتە ئېلان قىلغان باياناتىدا، ئۇچرىشىشتا ئىككى دۆلەت مۇناسىۋىتىنى تېخىمۇ راۋاجلاندۇرۇش ۋە ھەمكارلىقنى كۈچەيتىش يوللىرىنىڭ مۇزاكىرە قىلىنغانلىقىنى بىلدۈردى. باياناتتا كۆرسىتىلىشىچە، مىنىستىر شەيبانى ئامېرىكانىڭ سۈرىيەگە يۈرگۈزگەن ئېمبارگولىرىنى بىكار قىلغانلىقى ئۈچۈن، سۈرىيەگە ۋاكالىتەن ئامېرىكاغا رەھمەت ئېيتقان. شۇنداقلا: «سۆھبەتتە رايوندىكى ۋەزىيەت ۋە ئۆزگىرىشلەردىن سىرت، سۈرىيەنىڭ سىياسىي ۋە ئىقتىسادىي جەھەتتىن رايون مۇقىملىقىنى قوللاشتا ئويناۋاتقان مۇھىم رولى ئوتتۇرىغا قويۇلدى» دېيىلگەن.
