بۇلغارىيە دۇنا دەرياسىنى تەتقىق قىلىش ۋە ئاسراش ئىدارىسى (İAPPD) باش مۇدىرى ئىۋېلىن زانېۋ دەريادا سۇ سەۋىيەسىنىڭ تېخىمۇ تۆۋەنلىشىنىڭ مۆلچەرلەنگەنلىكىنى ئېيتتى.
تۆۋەن سۇ سەۋىيەسىنىڭ كەم دېگەندە بىر ئاي داۋاملىشىشى مۇمكىنلىكىنى بىلدۈرگەن زانېۋ، بەلەنې بىلەن سوموۋىت شەھەرلىرى ۋە سىلىستىرەگە قاراشلىق گارۋان يېزىسى يېقىنىدا بىر قىسىم پاراخوتلارنىڭ قاتناش لىنىيەسىنىڭ سىرتىدا قۇرۇقلۇققا پېتىپ قالغانلىقىنى ئاشكارىلىدى.
زانېۋ سەزگۈر لىنىيەلەردە سۇ چۇڭقۇرلۇقىنىڭ ئېغىر يۈك باسقان پاراخوتلارنىڭ ئۆتۈشىگە مۇۋاپىق كەلمەيدىغانلىقىنى تەكىتلەپ، كۆپلىگەن پاراخوت ۋە فىلوتلارنىڭ تېخىمۇ مۇۋاپىق قاتناش شارائىتلىرىنى ساقلاۋاتقانلىقىنى ئېيتتى.
بەلەنې رايونىدىكى ئۆزگىرىشلەرنىڭ ئالاھىدە ئەنسىزلىك پەيدا قىلىۋاتقانلىقىنى ئەسكەرتكەن زانېۋ، سۇ سەۋىيەسىدىكى تۆۋەنلەش سەۋەبىدىن دەريا ئېتىكىدە يېڭى قۇم ئارالچىلىرىنىڭ ئوتتۇرىغا چىققانلىقىنى ۋە رايوندا بىر مۇسابىقە كېمىسىنىڭ قۇرۇقلۇققا پېتىپ قالغانلىقىنى بىلدۈردى.
