پاكىستاننىڭ خەيبەر پاختونخىۋا ئۆلكىسىدىكى ساقچى تەكشۈرۈش پونكىتىغا قىلىنغان ھۇجۇمدا 9 ساقچىنىڭ ھاياتىدىن ئايرىلغانلىقى، 28 ساقچىنىڭ يارىلاندىغانلىقى بىلدۈرۈلدى.

Dawn گېزىتىنىڭ ساقچى دائىرىلىرىنى مەنبە كۆرسىتىپ خەۋەر قىلىشىچە، تۈنۈگۈن خەيبەر پاختونخىۋانىڭ ھانگۇ رايونىدىكى ساقچى تەكشۈرۈش پونكىتىغا ھۇجۇم قىلىنغان.

پاكىستان تالىبانى (TTP) تەرىپىدىن ئېلىپ بېرىلغانلىقى بىلدۈرۈلگەن ھۇجۇمدا 9 ساقچى ھاياتىدىن ئايرىلغان، 28 ساقچى يارىلانغان.

دۆلەت خەۋپسىزلىك كۈچلىرىنىڭ قايتۇرما زەربە بېرىشى نەتىجىسىدە 15 تېررورچى بىر تەرەپ قىلىنغان.

پاكىستاننىڭ  تېررورىزم مەسىلىسى

پاكىستاندىكى قوراللىق ھۇجۇملار بولۇپمۇ ئافغانىستان بىلەن چېگراداش بولغان خەيبەر پاختونخىۋا ۋە بەلۇجىستان ئۆلكىلىرىدە ئەۋج ئالماقتا.

ھەر ئىككى ئۆلكىدە پەشتۇن ۋە بەلۇچ مىللىي گۇرۇپپىلىرىنىڭ ھوقۇقىنى قوغدايدىغانلىقىنى ئىلگىرى سۈرىدىغان قوراللىق گۇرۇھلار، پاكىستان دۆلەت خەۋپسىزلىك كۈچلىرى ۋە پۇقرالارغا قارىتا ھۇجۇملارنى ئېلىپ بارماقتا.

ئىسلامئاباد پاكىستان تالىبانىنىڭ ئافغانىستاندا بازا قۇرغانلىقىنى ۋە ھۇجۇملارنى شۇ يەردىن تۇرۇپ تەشكىللەيدىغانلىقىنى ئىلگىرى سۈرمەكتە، ئافغانىستان ھاكىمىيىتى بولسا بۇ ئەيىبلەشلەرنى رەت قىلماقتا.

بەلۇجىستاندا بولسا «بەلۇجىستان ئازادلىق ئارمىيەسى» نىڭ ھۇجۇملىرى ئالدىنقى پىلانغا چىقماقتا. بەلۇجىستان ئازادلىق ئارمىيەسى بەلۇجىستان ئۆلكىسىنىڭ پاكىستاندىن مۇستەقىل بولۇشىنى ۋە بۇ رايوننى بەلۇچ خەلقىنىڭ باشقۇرۇشىنى تەلەپ قىلماقتا.