فىرانسىيەنىڭ پايتەختى پارىژدا پەلەستىننى قوللاش نامايىشى ئۆتكۈزۈلدى.
«EuroPalestine» جەمئىيىتىنىڭ چاقىرىقى بىلەن پەلەستىننىڭ قوللىغۇچىلىرى پارىژدىكى چاتىلې مەيدانىدا جەم بولدى.
قوللىرىدا «ئىسرائىلىيەنى بايقوت قىل»، «پەلەستىنلىكلەر ئۈچۈن ئەركىنلىك» دەپ يېزىلغان تاختايلار ۋە پەلەستىن بايراقلىرىنى كۆتۈرۈۋالغان نامايىشچىلار پايتەختتىكى بوجا مەيدانى تەرەپكە قاراپ يۈرۈش قىلدى.
«غەززەدە ئىرقىي قىرغىنچىلىق بار، سۈكۈت قىلمايمىز» دەپ شوئار توۋلىغان نامايىشچىلار فىرانسىيە ھۆكۈمىتىدىن ئىسرائىلىيەگە قارشى جازا تەدبىرلىرىنى يولغا قويۇشنى تەلەپ قىلدى.
پەلەستىنگە بولغان قوللىشىنى ئىپادىلىگەن نامايىشچىلار غەززەدىكى ئىرقىي قىرغىنچىلىق ۋە ئىككىنچى دۇنيا ئۇرۇشى مەزگىلىدىكى يەھۇدىي قىرغىنچىلىقىغا تەۋە فوتو-سۈرەتلەرنىمۇ كۆتۈرۈپ يۈرۈش قىلدى.
نامايىشچىلار ئىسرائىلىيەنىڭ ئىشغال ئاستىدىكى غەربىي قىرغاقتا پەلەستىنلىكلەرنىڭ ئۆيلىرىنى ۋەيران قىلىشى ۋە رايون خەلقىنى مەجبۇرىي يۇرت-ماكانلىرىدىن ئايرىشقا ئۇرۇنۇش قىلمىشلىرىغا نارازىلىق بىلدۈردى.
