روسىيە پىرېزىدېنتى ۋىلادىمىر پۇتىن يەكشەنبە كۈنى ئۇكرائىناغا 15-مايدىن باشلاپ ئىستانبۇلدا بىۋاسىتە تىنچلىق سۆھبىتىنى قايتىدىن باشلاش تەكلىپىدە بولدى.
پۇتىن موسكۋادا ئۆتكۈزۈلگەن مۇخبىرلارنى كۈتۈۋېلىش يىغىنىدا، دۈشەنبە كۈنى تۈركىيە جۇمھۇر رەئىسى رەجەپ تاييىپ ئەردوغان بىلەن تېلېفونلىشىپ، ئۇكرائىنا بىلەن تىنچلىق ئورنىتىش يوللىرىنى مۇزاكىرە قىلىدىغان بىر مۇنبەرتەلەپ قىلىدىغانلىقىنى ئېيتتى.
روسىيەنىڭ شەرتسىز مۇزاكىرىلىشىشكە تەييار ئىكەنلىكىنى بىلدۈرۈپ، «ھازىر بىر ئۇرۇش داۋاملىشىۋاتىدۇ، بىز سۆھبەتنى قايتا باشلاشنى تەۋسىيە قىلىمىز. تىنچلىقنى ھەقىقىي خالايدىغانلار بۇ تەشەببۇسنى قوللايدۇ» دېدى.
پرېزىدېنت پۇتىن ئىستانبۇلدا يېڭى بىر ئۇرۇش توختىتىشنى سۆھبەتلىشىشكە بولىدىغانلىقىنى ئەسكەرتىپ، «بىزنىڭ تەكلىپلىرىمىز ئۈستەل ئۈستىدە ۋە قارار ئۇكرائىنا دائىرىلىرى بىلەن ئۇلارنىڭ تەكشۈرگۈچىلىرىگە قالدى» دېدى.
روسىيە بىلەن ئۇكرائىنا 2022-يىلى مارتتا ئىستانبۇلدا مۇزاكىرە باشلىغان ۋە تىنچلىق كېلىشىمى لايىھىسىدە پىكىر بىرلىكى ھاسىل قىلغان ئىدى.
