جەنۇبىي كورېيە دۆلەت مۇداپىئە مىنىستىرى ئان گيۇبەك شىمالىي كورېيەنىڭ تەخمىنەن 80 دىن 120 گىچە يادرو قورالىغا ئىگە ئىكەنلىكىنىڭ تەخمىن قىلىنىۋاتقانلىقىنى بىلدۈردى. ئۇ، ئامېرىكا پىرېزىدېنتى دونالد ترامپنىڭ شىمالىي كورېيەنىڭ 57 دانە «ناھايىتى كۈچلۈك» يادرو قورالى بارلىقىنى ئېلان قىلىشىدىن كېيىن، پارلامېنتتا ئۆتكۈزۈلگەن يىغىندا مەزكۇر مەسىلە ھەققىدە توختالدى.
ئان گيۇبەك شىمالىي كورېيەنىڭ يادرو قورالى ئىقتىدارىغا مۇناسىۋەتلىك سوئاللارغا جاۋاب بەرگەندە مۇنداق دېدى:
«بىز شىمالىي كورېيەنىڭ ئادەتتە 80 دىن 120 گىچە يادرو قورالى بار دەپ قارايمىز، لېكىن ئېنىق بىر سان بېرىش ناھايىتى قىيىن. بۇ سانلىق مەلۇماتلار شەخسىي تەتقىقات ئورگانلىرىنىڭ مۆلچەرىگە ئاساسلىنىدۇ، جەنۇبىي كورېيە ھۆكۈمىتى بۇنى رەسمىي جەزملەشتۈرەلمەيدۇ.»
ئۆكتىچى پارتىيە پالاتا ئەزالىرىنىڭ سېئۇل ھۆكۈمىتى پيوڭياڭنىڭ يادرو قورال ئىسكىلاتى بارلىقىنى ئېتىراپ قىلامدۇ-يوق دېگەن سوئالىغا، مىنىستىر: «بىز بۇنى ھەرگىزمۇ رەسمىي ئېتىراپ قىلالمايمىز» دەپ جاۋاب بەردى.
