نىگېرىيەنىڭ پلاتېئاۋ ئۆلكىسىدە كان ئىشچىلىرىغا قىلىنغان ھۇجۇمدا 5 كىشى ھاياتىدىن ئايرىلدى.
دۆلەتلىك ئاخبارات ۋاسىتىلىرىنىڭ خەۋەرلىرىگە قارىغاندا، تېخى كىملىكى ئېنىقلانمىغان قوراللىق كىشىلەر پلاتېئاۋ ئۆلكىسىنىڭ مارىت يېزىسىدىكى كان ئىشچىلىرىغا ھۇجۇم قىلغان.
ھۇجۇمدا 5 كىشى ھاياتىدىن ئايرىلغان، كۆپ ساندىكى كىشى يارىلانغان.
پلاتېئاۋدا پات-پات قوراللىق ھۇجۇم قىلىپ تۇرىدىغان جىنايەت گۇرۇھى ئەزالىرىنىڭ 21-سېنتەبىردىكى ھۇجۇملىرىدىمۇ 9 كىشى ھاياتىدىن ئايرىلغان ئىدى.
نىگېرىيەنىڭ ئوخشىمىغان رايونلىرى ئۇزۇن ۋاقىتتىن بۇيان قوراللىق گۇرۇھلاردىن سىرت، يەنە بوكو ھارام ۋە دائېشنىڭ غەربىي ئافرىقا تارمىقى ISWAP تېررورلۇق تەشكىلاتلىرىنىڭ ھۇجۇملىرىغا دۇچ كەلمەكتە.
