رۇسىيە جىددىي ئەھۋاللار مىنىستىرلىقى سەيشەنبە كۈنى ئېلان قىلغان باياناتىدا، 27 توننا ئىنسانىي ياردەم بۇيۇملىرى قاچىلانغان مەخسۇس ئايروپىلاننىڭ تۈنۈگۈن كېچە لىۋانغا قاراپ يولغا چىققانلىقىنى ئۇقتۇردى.
مىنىستىرلىق باياناتىدا، ياردەم بۇيۇملىرىنىڭ كۆچمە توك ئىشلەپچىقىرىش پونكىتلىرى، يېمەكلىك، چېدىر، ئەدىيال ۋە ئۇخلاش يۈرۈشلۈكلىرىدىن تەشكىل تاپىدىغانلىقىنى ئەسكەرتتى.
باياناتتا: «مىنىستىرلىققا تەۋە <Il-76> تىپلىق ئايروپىلاندا 27 توننىدىن ئارتۇق يۈك بار بولۇپ، بۇلار كۆچمە توك ئىشلەپچىقىرىش پونكىتلىرى، يېمەكلىك ماتېرىياللىرى، چېدىرلار، ئەدىياللار، تەشتەك ۋە ياستۇقلاردىن تەشكىل تاپىدۇ» دېيىلدى.
مىنىستىرلىق بۇ ياردەمنىڭ پىرېزىدېنت ۋلادىمىر پۇتىننىڭ بۇيرۇقى ۋە جىددىي ئەھۋاللار مىنىستىرى ئالېكساندىر كۇرېنكوۋنىڭ كۆرسەتمىسىگە ئاساسەن لىۋانغا ئەۋەتىلگەنلىكىنى بىلدۈردى.
باياناتتا يەنە، بېيرۇتتىن موسكۋاغا قايتىدىغان نۆۋەتچى ئايروپىلاندا، رۇسىيە پۇقرالىرى ۋە ئۇلارنىڭ ئائىلە تاۋابىئاتلىرىنىڭ قايتۇرۇپ كېلىنىدىغانلىقى ئەسكەرتىلدى.
