ئامېرىكا پىرېزىدېنتى دونالد ترامپ سەيشەنبە كۈنى فېدېراتسىيە زاپاس پۇل كومىتېتىنىڭ باشلىقى جېروم پوۋېلنى تەنقىد قىلىپ، ئۇنىڭ مەركىزىي بانكا باشلىقلىق ۋەزىپە مۇددىتىنىڭ يېقىندا ئاخىرلىشىدىغانلىقىنى بىلدۈردى.
ترامپ قۇرۇلتايدىكى جۇمھۇرىيەتچىلەر پارتىيەسىگە قىلغان سۆزىدە: «ئۇ ياخشى خىزمەت قىلمايۋاتىدۇ. ئۇ يەنە قىسقا ۋاقىت شۇ يەردە بولىدۇ، ئۇزاق تۇرمايدۇ» دېدى.
ترامپ پوۋېلنى «فېدېراتسىيە زاپاس پۇل كومىتېتىنىڭ بېشىدىكى قورقۇنچلۇق ئادەم» دەپ ئاتاپ، ئۇنى «قوپال ۋە قابىلىيەتسىز» دەپ سۈپەتلىدى.
ترامپ پىرېزىدېنتلىق مەزگىلىدە پوۋېلغا ئاشكارا ھالدا ئۆسۈم نىسبىتىنى تۆۋەنلىتىش ئۈچۈن دائىم بېسىم ئىشلەتكەن ئىدى.
ترامپ پوۋېلنىڭ ۋەزىپە مۇددىتىنى ئۇزارتقانلىقى ئۈچۈن بايدىننى ئەيىبلىدى.
ترامپ: «دەسلەپتە ئۇنىڭغا بەك ياخشى مۇئامىلە قىلدىم... چۈنكى ئۇ ئەقىللىق ئادەم ئەمەس. ئۇ ئۇ يەردە بولماسلىقى كېرەك ئىدى. بىر تەرەپتىن بۇنىڭ ئۈچۈن ئۆزۈمنى ئەيىبلەيمەن، ئەمما ۋەزىپە مۇددىتىنى ئۇزارتقانلىقى ئۈچۈن بايدىننىمۇ ئەيىبلەيمەن» دېدى ۋە بايدىن ھۆكۈمىتىنىڭ بۇ قارارنى چىقارغانلىقىدىن ھەيران قالغانلىقىنى قوشۇپ قويدى.
ئۇ يەنە: «مېنىڭچە، ئۇلار ئۇنىڭ ۋەزىپە مۇددىتىنى ئۇزارتتى، چۈنكى ئۇلار مېنىڭ ئۇنى ياقتۇرمايدىغانلىقىمنى بىلەتتى، شۇڭا ئۇلار بۇ ئىشنى شۇ سەۋەبتىن قىلدى» دېدى.
ترامپ ياۋروپا مەركىزىي بانكىسىنىڭ 2024- ۋە 2025-يىللىرى ئۆلچەملىك ئۆسۈم نىسبىتىنى بىر نەچچە قېتىم تۆۋەنلەتكەنلىكىنى تىلغا ئېلىپ، فېدېراتسىيە زاپاس پۇل كومىتېتىنىڭ ئۆسۈم نىسبىتىنى تۆۋەنلىتىشى كېرەكلىكىنى قايتا-قايتا تەلەپ قىلدى ۋە كېچىكىشنىڭ ئامېرىكا ئىقتىسادىنى توختاپ قېلىش گىردابىغا ئېلىپ بارىدىغانلىقى ھەققىدە ئاگاھلاندۇردى.
